بووکەبارانە میراتێکە لە ڕابردوو کە بە شێوەیەکی سەرسوڕهێنەر لەگەڵ نیگەرانییەکانی ئەمڕۆدا دەگونجێت. لە جیهانێکدا کە قەیرانە ژینگەییەکان، دڵەڕاوکێ و بێمتمانەیی بە داهاتوو لە نێو منداڵاندا زیاد دەکەن، ئەم ئایینە ڕەسەنە دەتوانێت ببێتە بنەمایەک بۆ نوێکردنەوەی پەیوەندیی سۆزداریی مرۆڤ لەگەڵ زەوی. بووکەبارانە تەنها داوای باران لە ئاسمان نییە، بەڵکو بیرهێنانەوەی ئەم ڕاستییەیە کە باران لە یەکەم هەنگاودا، دەبێت لە ناخی مرۆڤدا ببارێت: بارانێک لە هاوسۆزی، هیوا و واتا. لە بێدەنگیی ئەو ڕۆژانەی کە ئاسمان بێبارانە، ئەم ئایینە، چرپەی بەکۆمەڵی ئەو کەسانەیە کە هێشتا بڕوایان وایە سروود و دەنگی منداڵان دەتوانێت زەوی بەئاگا بهێنێتەوە.

ئەمڕۆ، ١٠ی تشرینی یەکەم (١٨ی ڕەزبەر)، ڕۆژی جیهانی تەندروستی دەروونیی منداڵانە؛ ڕۆژێکە بۆ بیرهێنانەوەی ئەم ڕاستییە کە گرنگیدان بە دەروونی منداڵان، تەنها دڵسۆزی نییە، بەڵکو وەبەرهێنانە بۆ داهاتوویەکی مرۆڤانەتر.

زۆربەی مامۆستایان نیگەرانن لە کەمبوونەوەی گرنگیپێدانی منداڵان بە قوتابخانە و بەدوای ڕێگایەکدا دەگەڕێن بۆ ئەوەی منداڵی زیاتر ڕابکێشن و چیتر منداڵ لە خوێندن و قوتابخانە بێزار نەبێت. منداڵان زۆرترین پاڵنەریان بۆ دروست دەبێت کاتێک هەست دەکەن ئەو کارەی دەیکەن مانادارە. لەبری ئەوەی تەنها سەرنجت لەسەر نمرەکان و تاقیکردنەوەکان بێت، مەبەستی گەورەتری فێربوون بۆ خوێندکار ڕوون بکەرەوە؛ بۆ نموونە چۆن بیرکاری یارمەتی چارەسەرکردنی کێشەکانی ڕۆژانە دەدات یان چۆن مێژوو دەبێتە هۆی تێگەیشتنێکی باشتر لە مرۆڤەکان.

هەموو ساڵێک لەگەڵ کردنەوەی قوتابخانەکان، جۆش و خرۆشی کڕینی پێداویستیی نوێ منداڵان دادەگرێت؛ قەڵەمی ڕەنگاوڕەنگ، دەفتەری نوێ، و لە کۆتاییدا ئەو جانتایەی کە بڕیارە هەموو ئەمانە لە ئامێز بگرێت. بەڵام لەم نێوەندەدا، کەم کەس بیر لەوە دەکاتەوە کە ئەم هەڵبژاردنە سادەیە، ساڵانێک دواتر، چ شوێنەوارێک لەسەر قەدووقامەت و تەندروستیی منداڵ جێدەهێڵێت.

لە ڕۆژانی ڕابردوودا جیهانی ئەدەبیاتی منداڵان بە هەواڵێکی خەمناکەوە هەژا: یوتا باوەر، نووسەر و وێنەکێشی دیاری کتێبی منداڵان، کۆچی دوایی کرد.

قەبووڵ کردنی ئەو بابەتەی کە منداڵ دەتوانێ ببێتە بەردەنگی وێژە، ڕەنگە لە هەموو شتێک زیاتر، لە هەوڵی وەڵام دانەوەی ئەو پرسیارە دا بێ کە منداڵ دەتوانێ ببێتە بەر دەنگی وێژە و توانایی ئەوەی هەیە کە حوکمی جوانی ناسانە دەرکا، ئەی بڵێی بتوانێ کاتی بەرە ڕوو بوون لە گەڵ دەقێک لە باری جوانی ناسییەکەی بگا و «کانت » گوتەنی حوکمی سەلیقەیی دەرکا یان نا؟ ئەگەر ئەو تواناییەی منداڵ بە لامانەوە پەسەندە و بە سەرنجدان بەو نەبوونی ئاوەزە جیاوازەی لای ئەو ، دەکرێ بڕوا بەو هۆگرییەی بکەین و دەتوانین ئەو لە پێگەی بەردەنگێکی چالاک دانێین کە لە توانایدا هەیە سنوور لە نێوان جوانی و ناحەزییەکاندا بکێشێ.

هەندێک یاری هەن کە بۆ دایکان و باوکان ترسناکن، بەڵام بۆ منداڵان پڕن لە وروژاندن و چالاکیی به‌سوود: وەک سەرکەوتن بەسەر ڕووە لێژەکاندا، بازدان لە بەرزاییەوە، یان گەڕان بە گۆشە و کەنارەکانی پارکدا بەبێ چاودێریی ڕاستەوخۆی دایکان و باوکان. هەرچەندە ئەم ساتانە هەندێک جار دەبنە هۆی دڵەڕاوکێی دایکان و باوکان، بەڵام توێژینەوە زانستییەکان دەریانخستووە کە "یارییە مەترسیدارەکان" دەرفەتێکن بۆ منداڵان بۆ سەرکێشی کردن و ڕۆڵێکی گرینگ دەبینن لە گەشەپێدانی تواناکانیان لە ڕووی ناسین، سۆزداری و کۆمەڵایەتییەوە.

خەڵاتی هانس کریستیەن ئەندەرسن (Hans Christian Andersen Award) خەڵاتی هانس کریستیەن ئەندەرسن، کە لەلایەن نووسینگەی نێودەوڵەتیی کتێب بۆ نەوەی گەنج (IBBY) هەموو دوو ساڵ جارێک دەبەخشرێت، بە بەناوبانگترین و جیهانیترین خەڵات لە بواری ئەدەبیاتی منداڵان و تازەلاوان دادەنرێت. ئەم خەڵاتە بەهۆی پێگە و کاریگەرییەکەی لە ناساندنی نووسەران و وێنەکێشە دیارەکاندا، هەندێک جار بە "نۆبڵی بچووکی ئەدەبیاتی منداڵان" ناودەبرێت. ئامانج و گرنگیی ئەم خەڵاتە بە ئامانجی ناسین و ڕێزگرتن لەو نووسەران و وێنەکێشانە دامەزراوە کە بە بەرهەمە هەمیشەیی و داهێنەرەکانیان، ئاسۆیەکی نوێیان لە جیهانی منداڵاندا کردووەتەوە. جەختکردنەوەی سەرەکیی خەڵاتەکە تەنیا لەسەر یەک بەرهەم نییە، بەڵکو لەسەر کۆی کارەکان و بەشداریی داهێنەرانەی کەسەکە لە ئەدەبیاتی منداڵانی جیهاندایە. هەر ئەمەش خەڵاتی ئەندەرسن لە زۆر خەڵاتی دیکە جیا دەکاتەوە. مێژووی دامەزراندن: ساڵی ١٩٥٦ی زایینی بۆ نووسەران و لە ساڵی ١٩٦٦ەوە بۆ وێنەکێشان.ناونیشان: بە ڕێزگرتن لە هانس کریستیەن ئەندەرسن، نووسەری دانیمارکی و خولقێنەری چیرۆکە هەمیشەییەکانی وەک "پەری دەریا بچووکەکە" و "جووجەڵە مراویی ناشرین". فراوانی: هەڵبژێراوان لەلایەن بەشە نیشتمانییەکانی IBBY لە وڵاتە جیاوازەکاندا پێشکەش دەکرێن و داوەرییەکە لەلایەن لیژنەیەکی نێودەوڵەتییەوە ئەنجام دەدرێت. پێوەرەکانی هەڵبژاردن: لیژنەی داوەران لە هەڵبژاردنی براوەکاندا، پێوەرەکانی وەک: ڕەسەنایەتی و داهێنان لە گێڕانەوەدا، کاریگەری لەسەر گەشەی فیکری، سۆزی و جوانیی منداڵان، هەمیشەییبوونی بەرهەمەکان لەسەر ئاستی نیشتمانی و جیهانی، و نوێگەری لە وێنەکێشان و زماندا، لەبەرچاو دەگرێت.

سنە، کوردستان - ئارش مێهرەبان، نووسەر و توێژەری بواری ئەدەبیاتی منداڵان، وەک یەکێک لە هەڵبژێردراوانی خولی هەشتەمی خەڵاتی ژینگەیی دکتۆر ڕادمنش ڕاگەیەندرا. ئەم ناساندنە لەبەر پابەندبوونی ناوبراو بە چالاکییە ئەدەبی-ژینگەییەکان دێت کە بایەخ دەدات بە ڕۆڵی گرنگی ئەدەبیات  لە بەرزکردنەوەی ئاستی هۆشیاریی نەوەی نوێ، لە ڕەوتی پاراستنی ژینگە و سروشت.

ناوەندی 49 کتێب ڕایدەگەیەنێت کە خولێکی فێرکاریی تایبەت بە چیرۆکنووسین بۆ منداڵان بە شێوەی سەرهێڵ بەڕێوەدەبات. ئەم خولە بە ئامانجی پەرەپێدانی تواناکانی گەورەساڵان لە بواری نووسینی چیرۆکی منداڵاندا داڕێژراوە و دەرفەتێکی ناوازە دەڕەخسێنێت بۆ وەرگرتنی ئەزموون لە نووسەرێکی دیاری بواری منداڵان. 

فەرەیدوون مێرئەحمەدی و خالید محەمەدی بە ئامانجی پاراستن و پەرەپێدانی زمانی کوردی، بەرهەمێکی پەروەردەیی نوێ بە ناوی "تەختە سپی"، بڵاو دەکەنەوە. 

ژمارەی ٦ی گۆڤاری زانستیی هۆژین: دەروازەیەک بەرەو جیهانی زانست بۆ منداڵانی کوردستان! دیارییەک بۆ هەمیشە، خەڵاتێک بۆ ئێستا و دەستپێکێک بۆ داهاتوو

لە هەنگاوێکی گرنگدا بۆ بەرزکردنەوەی ئاستی هۆشیاریی پەروەردەیی، ئەنجومەنی ئەدەبیاتی منداڵان و تازەلاوانی "نیشتمان" بە خۆشحاڵییەوە ڕایدەگەیەنێت کە زنجیرە کارگایەکی تایبەتی دەروونناسی بۆ دایکان و باوکان، مامۆستایان، و سەرجەم ئەو کەسانەی لە بواری پەروەردەی منداڵاندا کار دەکەن، ڕێک دەخات.

بەپێی ڕاگەیەندراوی نووسینگەی چواردەهەمین فێستیڤاڵی شانۆی سەرشەقامی "شارۆمەند"، بە بڕیاری سەرۆکی شارەوانی و سەرۆکی فێستیڤاڵ، ناوی ئەندامانی لێژنەی هەڵبژاردنی بەرهەمەکان بۆ بەشەکانی "پێشبڕکێی شارۆمەند"، "پێشبڕکێی منداڵان" و "پێشبڕکێی پارێزگا" ئاشکرا کرا.

ماڵپەڕی چراوۆک وەک یەکەمین ماڵپەڕی سەربەخۆ و تایبەت بە ئەدەبیاتی منداڵان و تازەلاوانی کورد، لە درێژەی چالاکییە توێژینەوە و فەرهەنگییەکانیدا، پڕۆژەیەکی داهێنەرانە دەست پێ دەکات: بڵاوکردنەوەی پێڕستێک لە کتێبگەلی کوردیی پێشنیارکراو بۆ منداڵان و تازەلاوان.

بەشانازییەوە ڕادەگەیەندرێت کە شێوەکاریی ڕووبەرگی ژمارەی دووەمی دوو-وەرزنامەی ڕەخنەی ئەدەبی منداڵ و مێرمنداڵ لە لایەن شێوەکاری بەنێوبانگی پۆڵەندی-سوئیدی، ماریت تۆرێن کویست-ەوە شێوەکاریی بۆ کراوە. هونەرمەندێک کە ناوی لەم ساڵانەی دواییدا، هاوکات لەگەڵ بوونی ڕاستییەکی هونەری و ڕوانینێکی قووڵ بۆ دەروونی منداڵ، وەکوو یەکێک لە کاریگەریترین کەسایەتییەکانی ئەدەبی شێوەکاریی منداڵ لە جیهاندا دەناسرێت.