بەشانازییەوە ڕادەگەیەندرێت کە شێوەکاریی ڕووبەرگی ژمارەی دووەمی دوو-وەرزنامەی ڕەخنەی ئەدەبی منداڵ و مێرمنداڵ لە لایەن شێوەکاری بەنێوبانگی پۆڵەندی-سوئیدی، ماریت تۆرێن کویست-ەوە شێوەکاریی بۆ کراوە. هونەرمەندێک کە ناوی لەم ساڵانەی دواییدا، هاوکات لەگەڵ بوونی ڕاستییەکی هونەری و ڕوانینێکی قووڵ بۆ دەروونی منداڵ، وەکوو یەکێک لە کاریگەریترین کەسایەتییەکانی ئەدەبی شێوەکاریی منداڵ لە جیهاندا دەناسرێت.
ماریت تۆرێن کویست، شێوەکاری بەنێوبانگی جیهانی، ڕووبەرگی ژمارەی دووەمی دوو-وەرزنامەی ڕەخنەی ئەدەبی منداڵ و مێرمنداڵی شێوەکاری کرد
بەشانازییەوە ڕادەگەیەندرێت کە شێوەکاریی ڕووبەرگی ژمارەی دووەمی دوو-وەرزنامەی ڕەخنەی ئەدەبی منداڵ و مێرمنداڵ لە لایەن شێوەکاری بەنێوبانگی پۆڵەندی-سوئیدی، ماریت تۆرێن کویست-ەوە شێوەکاریی بۆ کراوە. هونەرمەندێک کە ناوی لەم ساڵانەی دواییدا، هاوکات لەگەڵ بوونی ڕاستییەکی هونەری و ڕوانینێکی قووڵ بۆ دەروونی منداڵ، وەکوو یەکێک لە کاریگەریترین کەسایەتییەکانی ئەدەبی شێوەکاریی منداڵ لە جیهاندا دەناسرێت.
ماریت تۆرێن کویست لە ساڵی ١٩٦٤دا، لە سوئید لەدایک دەبێت و لە پۆڵەندا گەورە دەبێت. ئەم شێوەژینگە فەرهەنگییە دوولایەنەیە، جیهانی هونەریی ئەوی بەرەو کەشی سنووریی نێوان باکوور و باشوور، نێوان بێدەنگیی ستاندیناڤی و قووڵیی ئەورووپای ناوەندی کێشاوە. ئەو بە ڕوانینێکی سۆزدارانەییانە، شاعیرانە و هاوکات بەپێی پێکهاتە و بنەما، داڵغەگەلی بنەمایی مرۆڤ‌منداڵی لە بەرهەمەکانیدا وێنا دەکات -لە پەنابەری و تەنیاییەوە بگرە، تا ئومێد، پەیوەند و گەڕان بە دوای مانا لەم جیهانە بگۆڕەدا.
تۆرێن کویست نەتەنیا وەکوو شێوەکارێک، بەڵکوو گێڕەوەیەکی بێدەنگی تەجروبەکانی منداڵییە. بەرهەمەکانی بەردەوام جەختیان لەسەر توخمگەلی بینەریی مینیماڵ، کۆمپۆزیسیۆنگەلی خەڵوەر و ڕەنگگەلێکی لایەییەوە کردووە کە
نەتەنیا ڕوانینیان، بەڵکوو زەین و هەستی منداڵ چالاک دەکەن، . لەو بەرهەمە سەربەخۆیانەی نووسەر دەتوانین بەم چەند کتێبە ئاماژە بکەین: باڵندەی سوور، دوورگە، چیرۆکێکی بچووک سەبارەت بە ئەوین و هەروەها شێوەکاریی هەندێک لە دوایین کتێبەکانی ئاسترید لیندگێرن نووسەری ئەفسانەیی سوئیدی، کە هاوکاریکردن لەگەڵ ئەم نووسەرەدا، بووە خاڵی وەرچەرخانی ژیانی هونەریی تۆرێن کویست.
خەڵاتەکان
ماریت تۆرێن کویست تا هەنووکە خەڵاتگەلێکی بەنێوبانگی زۆری وەرگرتووە وەکوو: بەشداری لە ڕیزی شانازیی IBBY بۆ کتێبی لاو
خەڵاتی Boekenpauw(بەلژیک)
خەڵاتی ئاسترید لیندگێرن وەکوو بەنێوبانگترین خەڵاتی ئەدەبی منداڵ لە ئاستی جیهاندا
شێوەکاریی ڕووبەرگی دوو-وەرزنامەی ڕەخنەی
ئەدەبی منداڵ و مێرمنداڵ
ڕووبەرگی ژمارەی دووەمی دوو-وەرزنامەی ڕەخنەی ئەدەبی منداڵ و مێرمنداڵ لە لایەن ئەم هونەرمەندە نێونەتەوەییەوە ئەنجام دراوە کە تێیدا پەیوەندیی منداڵ لەگەڵ سروشت، نیشتمان، زمان و شوناسی فەرهەنگی لە ئەدەبی کوردیی منداڵاندا پیشان دەدات.
دوو-وەرزنامەی ڕەخنەی ئەدەبی منداڵ و مێرمنداڵ، گۆڤارێکی زانستی و نێوان‌بەشییە کە بە ئامانجی ئاوەڵاکردنی ئاسۆ نوێیەکان لە ڕەوتی شیکاری و ڕەخنەی ئەدەبی کوردیی منداڵ و مێرمنداڵ، بە دوو زمانی کوردی و فارسی دەردەچێت. ژمارەی دووەمی ئەم گۆڤارە کە تایبەت بوو بە ڕەخنەی ژینگەیی لە ئەدەبی کوردیی منداڵاندا، بریتی بوو لە کۆمەڵێک توێژینەوە لە بوارگەلی ئەدەبی بەراوردکاری، ئەدەبی ژینگەیی و زمانناسیی ژینگەیی و هتد، و لە داهاتوویەکی نزیکدا ژمارەی سێهەمی ئەم گۆڤارە بڵاو دەکرێتەوە.
هاوکارانی ئەم بەشە:
کیمیا بایزیدی
ئەستێرە چابوک
سارا ڕەسووڵی
