بەپێی ڕاگەیەندراوی نووسینگەی چواردەهەمین فێستیڤاڵی شانۆی سەرشەقامی "شارۆمەند"، بە بڕیاری سەرۆکی شارەوانی و سەرۆکی فێستیڤاڵ، ناوی ئەندامانی لێژنەی هەڵبژاردنی بەرهەمەکان بۆ بەشەکانی "پێشبڕکێی شارۆمەند"، "پێشبڕکێی منداڵان" و "پێشبڕکێی پارێزگا" ئاشکرا کرا.
ڕەحمان هووشیاری، هونەرمەندی خەڵکی مەریوان، بووە ئەندامی دەستەی هەڵسەنگاندنی بەرهەمەکان لە چواردەهەمین فێستیڤاڵی شانۆی "شارۆمەند" لە لاهیجان
بەپێی ڕاگەیەندراوی نووسینگەی چواردەهەمین فێستیڤاڵی شانۆی سەرشەقامی "شارۆمەند"، بە بڕیاری سەرۆکی شارەوانی و سەرۆکی فێستیڤاڵ، ناوی ئەندامانی لێژنەی هەڵبژاردنی بەرهەمەکان بۆ بەشەکانی "پێشبڕکێی شارۆمەند"، "پێشبڕکێی منداڵان" و "پێشبڕکێی پارێزگا" ئاشکرا کرا.
دەستەی هەڵبژاردن پێکدێت لە:
بەشی پێشبڕکێی شارۆمەند: بەڕێزان ڕەحمان هۆشیاری، جەهانشیر یارئەحمەدی و داریوش نسیری.
بەشی پێشبڕکێی منداڵان و پارێزگا: بەڕێزان ئەمیر ڕەجەب پوور، ئەبووزەر جەلالی و خاتوو مورسەدە پیشەوەر.
جێگای ئاماژەیە، فێستیڤاڵی شانۆی سەرشەقامی "شارۆمەند" لە ڕێکەوتی ٢ تا ٥ی ڕەزبەری ١٤٠٤ی هەتاوی (بەرامبەر بە ٢٤ تا ٢٧ی سێپتەمبەری ٢٠٢٥) لە شاری لاهیجان بەڕێوەدەچێت.
ڕەحمان هووشیاری، هونەرمەندێکی دیاری بواری شانۆی کوردی و کەسایەتییەکی ناسراوی شانۆی سەرشەقام و نیشتەجێی مەریوانە. ئەو وەک دەرهێنەر، نووسەر و توێژەرێکی شانۆیی، ڕۆڵێکی بەرچاوی لە پێشخستنی ئەم بوارەدا گێڕاوە کە هاوکات لە هەردوو بواری کرداری (دەرهێنان و بەرهەمهێنان) و تیۆری (لێکۆڵینەوەی ئەکادیمی) خزمەتی کردووە.
