سنە، کوردستان - ئارش مێهرەبان، نووسەر و توێژەری بواری ئەدەبیاتی منداڵان، وەک یەکێک لە هەڵبژێردراوانی خولی هەشتەمی خەڵاتی ژینگەیی دکتۆر ڕادمنش ڕاگەیەندرا. ئەم ناساندنە لەبەر پابەندبوونی ناوبراو بە چالاکییە ئەدەبی-ژینگەییەکان دێت کە بایەخ دەدات بە ڕۆڵی گرنگی ئەدەبیات لە بەرزکردنەوەی ئاستی هۆشیاریی نەوەی نوێ، لە ڕەوتی پاراستنی ژینگە و سروشت.
ئارش مێهرەبان, نووسەر و تویژەری ئەدەبی منداڵان، بەهۆی چالاکییە ئەدەبی-ژینگەییەکانییەوە خەڵاتی ژینگەیی "دکتۆر ڕادمنش"ی پێدەبەخشرێت
کوردستان- سنە: ئارش مێهرەبان، نووسەر و توێژەری بواری ئەدەبیاتی منداڵان، وەک یەکێک لە هەڵبژێردراوانی خولی هەشتەمی خەڵاتی ژینگەیی دکتۆر ڕادمنش ڕاگەیەندرا. ئەم ناساندنە لەبەر پابەندبوونی ناوبراو بە چالاکییە ئەدەبی-ژینگەییەکان دێت کە بایەخ دەدات بە ڕۆڵی گرنگی ئەدەبیات لە بەرزکردنەوەی ئاستی هۆشیاریی نەوەی نوێ، لە ڕەوتی پاراستنی ژینگە و سروشت.
خەڵاتی ژینگەیی دکتۆر ڕادمنش، کە ئێستا لە هەشتەمین خولی خۆیدایە، پڕۆژەیەکی نیشتمانییە بۆ ڕێزگرتن لەو ڕێکخراو و کەسایەتییانەی کە خزمەتی بەنرخ لە بواری پاراستنی ژینگە و سروشتدا پێشکەش دەکەن. بەپێی ڕاگەیاندنی لێژنەی داوەرانی خەڵاتەکە، لە کۆی زیاتر لە ٨٥ ڕێکخراو و کەسایەتیی چالاک، لە کۆتاییدا ٩ ڕێکخراو و ١٨ کەسایەتی وەک هەڵبژێردراوانی ئەم خولە دیاری کران.
ئارش مێهرەبان خاوەنی چەندین بەرهەمی ژینگەیی بۆ منداڵان و توێژینەوەی زانکۆییە لە بواری ئەدەبیاتی منداڵاندا کە بە تایبەتی جەخت لەسەر چەمکی "ئەدەبیاتی سەوز" دەکاتەوە. ناوبراو پێی وایە، چیرۆک و ئەدەبیات یەکێکن لە کاریگەرترین ئامرازەکان بۆ چاندنی بیری پاراستنی ژینگە لە دڵی منداڵان و تازەلاواندا. ناوبراو وەک سەرنووسەر و بەرپرسی یەکەمین گۆڤاری تایبەت بە ڕەخنەی ئەدەبیاتی منداڵان و تازەلاوان بە زمانی کوردی، بەشێکی زۆری هەوڵەکانی تەرخان کردووە بۆ پەرەپێدانی ئەم بوارە گرنگە لە کوردستاندا. پێدانی ئەم خەڵاتە ژینگەییە بە نووسەرێکی بواری ئەدەبیاتی منداڵان، نیشانەی داننانە بەو هەوڵانەی کە لە ڕێگەی هونەر و نووسینەوە بۆ بەهێزکردنی پەیوەندی نێوان مرۆڤ و ژینگە دەدرێن، بە تایبەتی لە کوردستان کە خاوەنی سروشتێکی دەوڵەمەند و هەستیارە.
جێی ئاماژەیە ئەم ڕێوڕەسمە بەخشینی ئەم خەڵاتە لە داهاتوویەکی نزیک لە لایەن ڕێکخراوەی ژینگەیی "دوکتۆر ڕادمەنش"پێشکەش دەکرێت.
