لە هەنگاوێکی گرنگدا بۆ بەرزکردنەوەی ئاستی هۆشیاریی پەروەردەیی، ئەنجومەنی ئەدەبیاتی منداڵان و تازەلاوانی "نیشتمان" بە خۆشحاڵییەوە ڕایدەگەیەنێت کە زنجیرە کارگایەکی تایبەتی دەروونناسی بۆ دایکان و باوکان، مامۆستایان، و سەرجەم ئەو کەسانەی لە بواری پەروەردەی منداڵاندا کار دەکەن، ڕێک دەخات.
بۆ پەروەردەیەکی باشتر؛ ئەنجومەنی "نیشتمان" کارگایەک لەسەر کاریگەریی تۆڕە کۆمەڵایەتییەکان لەسەر منداڵان ساز دەکات
لە هەنگاوێکی گرنگدا بۆ بەرزکردنەوەی ئاستی هۆشیاریی پەروەردەیی، ئەنجومەنی ئەدەبیاتی منداڵان و تازەلاوانی "نیشتمان" بە خۆشحاڵییەوە ڕایدەگەیەنێت کە زنجیرە کارگایەکی تایبەتی دەروونناسی بۆ دایکان و باوکان، مامۆستایان، و سەرجەم ئەو کەسانەی لە بواری پەروەردەی منداڵاندا کار دەکەن، ڕێک دەخات.
کارگاکە لەژێر ناونیشانی "منداڵان و تۆڕە کۆمەڵایەتییەکان"بەڕێوە دەچێت و لەلایەن بەڕێز یاقووب خزری، وانەبێژ و شارەزا لەم بوارەدا، پێشکەش دەکرێت. ئامانجی سەرەکیی ئەم کارگایە بریتییە لە تیشک خستنە سەر ئەو ئاڵنگاری و دەرفەتانەی کە لە ئەنجامی بەکارهێنانی تۆڕە کۆمەڵایەتییەکانەوە دێنە بەردەم منداڵان و تازەلاوان.
تەوەرە سەرەکییەکانی کارگاکە بریتین لە:
ناسینی کاریگەرییە دەروونی و کۆمەڵایەتییەکانی سۆشیال میدیا لەسەر گەشەی منداڵ.
چۆنیەتیی دانانی سنوور و یاسای گونجاو بۆ بەکارهێنانی ئامێرە زیرەکەکان.
ڕێنماییکردنی دایکان و باوکان بۆ پاراستنی منداڵەکانیان لە مەترسییەکانی جیهانی دیجیتاڵ.
کارگاکە لە فەرهەنگسەرای سمورغ، لە ژووری ئەنجومەنی ئەدەبی بەڕێوە دەچێت.
ئەنجومەنی "نیشتمان" هیوادارە ئەم کارگایە ببێتە دەرفەتێک بۆ ئاڵوگۆڕی بیروڕا و بەدەستهێنانی نوێترین زانیارییەکان، تاوەکو هەموو لایەک پێکەوە بتوانن ژینگەیەکی تەندروست و سەلامەت بۆ گەشەی نەوەی نوێ دابین بکەن.
