ماڵپەڕی چراوۆک وەک یەکەمین ماڵپەڕی سەربەخۆ و تایبەت بە ئەدەبیاتی منداڵان و تازەلاوانی کورد، لە درێژەی چالاکییە توێژینەوە و فەرهەنگییەکانیدا، پڕۆژەیەکی داهێنەرانە دەست پێ دەکات: بڵاوکردنەوەی پێڕستێک لە کتێبگەلی کوردیی پێشنیارکراو بۆ منداڵان و تازەلاوان.
پێڕستی ساڵانەی کتێبی کوردیی منداڵان و تازەلاوانی چراوۆک
ماڵپەڕی چراوۆک وەک یەکەمین ماڵپەڕی سەربەخۆ و تایبەت بە ئەدەبیاتی منداڵان و تازەلاوانی کورد، لە درێژەی چالاکییە توێژینەوە و فەرهەنگییەکانیدا، پڕۆژەیەکی داهێنەرانە دەست پێ دەکات: بڵاوکردنەوەی پێڕستێک لە کتێبگەلی کوردیی پێشنیارکراو بۆ منداڵان و تازەلاوان.
ئەم پێڕستە بە ئامانجی دابینکردنی سەرچاوەیەکی زانستی و باوەڕپێکراو بۆ بنەماڵەکان، ڕاهێنەران، کتێبداران، توێژەران و چاپەمەنییەکان ئامادە دەکرێت و سەرجەم شێوەزار و زاراوەکانی زمانی کوردی لەخۆ دەگرێت. ڕێبازی ئەم پڕۆژەیە لەسەر بنەمای هەڵسەنگاندنی پسپۆڕانە، پێوەرە ئەکادیمییەکان و ڕوانگەی ڕەخنەگرانەیە تاکوو دەرفەتی هەڵبژاردنێکی ئاگادارانە و بەرپرسیارانە لە بواری کتێبی منداڵاندا ببێت.
جەختی لەسەر دەکەینەوە کە ئەمە پێڕستی خەڵات نییە، بەڵکوو ڕێنماییەکی توێژەرانە و بێلایەنە کە ساڵانە بە لەبەرچاوگرتنی چۆنیەتیی ئەدەبی، زمانەوانی و هونەریی بەرهەمەکان بڵاو دەکرێتەوە.
بەم زووانە ڕاگەیەندراوی فەرمیی ئەم پڕۆژەیە بە وردەکاریی تەواو، لە لایەن چراوۆکەوە بڵاو دەبێتەوە.
