ناوەندی 49 کتێب ڕایدەگەیەنێت کە خولێکی فێرکاریی تایبەت بە چیرۆکنووسین بۆ منداڵان بە شێوەی سەرهێڵ بەڕێوەدەبات. ئەم خولە بە ئامانجی پەرەپێدانی تواناکانی گەورەساڵان لە بواری نووسینی چیرۆکی منداڵاندا داڕێژراوە و دەرفەتێکی ناوازە دەڕەخسێنێت بۆ وەرگرتنی ئەزموون لە نووسەرێکی دیاری بواری منداڵان.
ناوەندی 49 کتێب خولی فێرکاریی چیرۆکنووسین بۆ منداڵان بەڕێوە دەبات
– ناوەندی 49 کتێب ڕایدەگەیەنێت کە خولێکی فێرکاریی تایبەت بە چیرۆکنووسین بۆ منداڵان بە شێوەی سەرهێڵ بەڕێوەدەبات. ئەم خولە بە ئامانجی پەرەپێدانی تواناکانی گەورەساڵان لە بواری نووسینی چیرۆکی منداڵاندا داڕێژراوە و دەرفەتێکی ناوازە دەڕەخسێنێت بۆ وەرگرتنی ئەزموون لە نووسەرێکی دیاری بواری منداڵان.
خولەکە لە دە جەلەسەی سەرهێڵ پێکدێت و لەلایەن نووسەری خاوەن ئەزموون، جەبار شافعی زادە، وانە دەڵێتەوە. جەبار شافعی زادە خاوەنی چەندین خەڵاتی نێودەوڵەتی و ناوخۆییە لە بواری ئەدەبی منداڵاندا، لەوانە خەڵاتی یونیسێف، خەڵاتی شۆرای کتێبی منداڵانی ئێران، سپاسنامەی هانس کریستیان ئەندێرسۆن، خەڵاتی کتێبی ساڵی کوردستان، خەڵاتی کتێبی ساڵی سەلام، و خەڵاتی ناودارانی کورد لە زانکۆی کوردستان. لە ئێستادا، بەڕێزیان بەرپرسی بەشی ئەدەبی منداڵان و مێرمنداڵانە لە چاپەمەنییەکانی ڕێگا، مانگ و 49 کتێب.
پێڕستی بابەتەکانی خولەکە
* بنەماکانی ئەدەبی منداڵان
* پێناسەی چیرۆکی منداڵان
* شێوەکانی چیرۆکی منداڵان
* ئەندێشە و بیرۆکە لە چیرۆکی منداڵاندا
* خەون و خولیا لە چیرۆکی منداڵاندا
* پێکهاتە و فۆڕم لە چیرۆکی منداڵاندا
* ڕۆڵی زمان لە چیرۆکی منداڵاندا
* نووسینی چیرۆک بەپێی خشتەی وێنەیی
* خوێندنەوەی ڕەخنەگرانەی چیرۆکی بەشداربووان
خولەکە لە سەرەتای مانگی خەزەڵوەر (ئابان) دەستپێدەکات. بۆ ناونووسین و بەدەستهێنانی زانیاریی زیاتر، پەیوەندی بەم ناونیشانانەوە بکەن:
تێلێگرام: @BOOKS49_PUBLICATION
تەلەفۆن: +46720241321
ئەم خولە دەرفەتێکی گرنگە بۆ هەموو ئەو گەورەساڵانەی کە خولیای نووسینی چیرۆکی منداڵانیان هەیە و دەیانەوێت بە شێوەیەکی زانستی و پراکتیکی سوود لە ئەزموونی نووسەرێکی پێشەنگ وەربگرن لەم بوارەدا.
