هاوپۆلی بابه‌ت

سنە، کوردستان - ئارش مێهرەبان، نووسەر و توێژەری بواری ئەدەبیاتی منداڵان، وەک یەکێک لە هەڵبژێردراوانی خولی هەشتەمی خەڵاتی ژینگەیی دکتۆر ڕادمنش ڕاگەیەندرا. ئەم ناساندنە لەبەر پابەندبوونی ناوبراو بە چالاکییە ئەدەبی-ژینگەییەکان دێت کە بایەخ دەدات بە ڕۆڵی گرنگی ئەدەبیات  لە بەرزکردنەوەی ئاستی هۆشیاریی نەوەی نوێ، لە ڕەوتی پاراستنی ژینگە و سروشت.

ناوەندی 49 کتێب ڕایدەگەیەنێت کە خولێکی فێرکاریی تایبەت بە چیرۆکنووسین بۆ منداڵان بە شێوەی سەرهێڵ بەڕێوەدەبات. ئەم خولە بە ئامانجی پەرەپێدانی تواناکانی گەورەساڵان لە بواری نووسینی چیرۆکی منداڵاندا داڕێژراوە و دەرفەتێکی ناوازە دەڕەخسێنێت بۆ وەرگرتنی ئەزموون لە نووسەرێکی دیاری بواری منداڵان. 

فەرەیدوون مێرئەحمەدی و خالید محەمەدی بە ئامانجی پاراستن و پەرەپێدانی زمانی کوردی، بەرهەمێکی پەروەردەیی نوێ بە ناوی "تەختە سپی"، بڵاو دەکەنەوە. 

ژمارەی ٦ی گۆڤاری زانستیی هۆژین: دەروازەیەک بەرەو جیهانی زانست بۆ منداڵانی کوردستان! دیارییەک بۆ هەمیشە، خەڵاتێک بۆ ئێستا و دەستپێکێک بۆ داهاتوو

لە هەنگاوێکی گرنگدا بۆ بەرزکردنەوەی ئاستی هۆشیاریی پەروەردەیی، ئەنجومەنی ئەدەبیاتی منداڵان و تازەلاوانی "نیشتمان" بە خۆشحاڵییەوە ڕایدەگەیەنێت کە زنجیرە کارگایەکی تایبەتی دەروونناسی بۆ دایکان و باوکان، مامۆستایان، و سەرجەم ئەو کەسانەی لە بواری پەروەردەی منداڵاندا کار دەکەن، ڕێک دەخات.

بەپێی ڕاگەیەندراوی نووسینگەی چواردەهەمین فێستیڤاڵی شانۆی سەرشەقامی "شارۆمەند"، بە بڕیاری سەرۆکی شارەوانی و سەرۆکی فێستیڤاڵ، ناوی ئەندامانی لێژنەی هەڵبژاردنی بەرهەمەکان بۆ بەشەکانی "پێشبڕکێی شارۆمەند"، "پێشبڕکێی منداڵان" و "پێشبڕکێی پارێزگا" ئاشکرا کرا.

ماڵپەڕی چراوۆک وەک یەکەمین ماڵپەڕی سەربەخۆ و تایبەت بە ئەدەبیاتی منداڵان و تازەلاوانی کورد، لە درێژەی چالاکییە توێژینەوە و فەرهەنگییەکانیدا، پڕۆژەیەکی داهێنەرانە دەست پێ دەکات: بڵاوکردنەوەی پێڕستێک لە کتێبگەلی کوردیی پێشنیارکراو بۆ منداڵان و تازەلاوان.

ماڵپەڕی چراوۆک بە ئامانجی پەرەپێدانی شێوازی ژیانی سالم و تەندروست و پەروەردەکردنی جەستە و زەینی منداڵان، زنجیرە ویدیۆیەکی تایبەت بە فێرکاریی یووگای منداڵانی ئامادە کردووە. ئەم زنجیرە ویدیۆیانە بە زمانێکی سادە و سەرنجڕاکێش، بەپێی توانستی جەستەیی و ڕۆحیی منداڵان ئامادە کراوە تاکوو بتوانن لە کەشێکی شاد و هێوردا لەگەڵ جووڵەکانی یووگادا ئاشنابن.

بەشانازییەوە ڕادەگەیەندرێت کە شێوەکاریی ڕووبەرگی ژمارەی دووەمی دوو-وەرزنامەی ڕەخنەی ئەدەبی منداڵ و مێرمنداڵ لە لایەن شێوەکاری بەنێوبانگی پۆڵەندی-سوئیدی، ماریت تۆرێن کویست-ەوە شێوەکاریی بۆ کراوە. هونەرمەندێک کە ناوی لەم ساڵانەی دواییدا، هاوکات لەگەڵ بوونی ڕاستییەکی هونەری و ڕوانینێکی قووڵ بۆ دەروونی منداڵ، وەکوو یەکێک لە کاریگەریترین کەسایەتییەکانی ئەدەبی شێوەکاریی منداڵ لە جیهاندا دەناسرێت. 

شاری پیتەکان، زنجیرەڤیدیۆی پیتەکانی ئەلف‌بێی کوردییە کە بە شێعر، ئەنیمەیشن و مۆسیقا لە دوو بەشی گۆرانی و فێرکاریدا ئامادە بووە و ئێستا لە کاناڵی بابەدیدی(babadi) لە یوتیوبدا لەبەر دەستە.  ئامانج لە بەرهەمهێنانی ئەم کارە، ئاسانکاری بۆ فێربوونی زمانی کوردی بۆ منداڵانی ئامادەیی، منداڵانی یەکی سەرەتایی و تەنانەت بۆ تەمەن بەرەوژوورتریش بەکار هاتووە.

‍ ‍ دانی دایناسۆر هاوڕێیەکی دەوێت نووسەر: جەبار شافعی‌زادە شێوەکار: ئەڤین مەعرووفی گەڵاڵەی بەرگ: سیپان چاپەمەنی: 49books ساڵی چاپ: ۲۰۲۵ هاوڕێیەتی چییە؟ هاوڕێیەتی چۆن پێکدێت؟ هاوڕێ کێیە؟ بۆ دەبێت هاوڕێیەکمان هەبێت؟ ئایا هەموو کەسێک بۆ هاوڕێیەتی دەشێت؟ ئەم پرسیارانە و زۆر پرساری تر کەڵکەڵەی زەینی و دەروونی زۆرینەی منداڵانی جیهانە. ئەوان هەر لەو سەردەمەدا بەو بڕوایە دەگەن، مرۆڤ ناتوانێت بەبێ بوونی هاوڕێیەکی چاک ژیانێکی ئاسایی بباتە سەر. بۆیە یەکەمجار لەگەڵ بووکەڵە و کەرەستە یارییەکانیان هاوڕێیەتییەکی هێمایین پێکدەهێنن و، دوایی ئەو هاوڕێیەتییە لەگەڵ ئەو مرۆڤانەی خۆشیان دەوێت، ساز دەکەن.

چی نیشتەنە بە زوانی شیرینی ئەدایی، داستانە، حەکایەتێ، شێعرێ زاڕۆڵانێ، موسیقا، تێستێ هووشی و... جە لاو فرە شارەزا و پسپۆڕ دوکتۆڕ (زانیار درەخشانی)وە بە شێوێ سایکۆلۆژیانە و ڕەوانشناسانە پەی زاڕۆڵا خنجیلانەکا وانیێوە و بەیان کریێ.