سی و حەوتەمین کۆنگرەی جیهانیی IBBYئیمساڵ بە شێوازی ئۆنلاین لە مۆسکۆ پایتەختی ڕووسیا بەڕێوە دەچێت. کۆنگرەی IBBYگەورەترین و بڕواپێکراوترین کۆنگرەی ئەدەبی منداڵان و مێرمنداڵان لە جیهان دێتە ئەژمار کە خەڵاتەکەی هاوتەریبە لەگەڵ نۆبلی ئەدەبی منداڵان.
بەشداریی دەروونناس و لێکۆڵەری مەهابادی لە کۆنگرەی IBBYڕووسیا
بە پێی هەواڵنێریی هاژە، سی و حەوتەمین کۆنگرەی جیهانیی IBBYئیمساڵ بە شێوازی ئۆنلاین لە مۆسکۆ پایتەختی ڕووسیا بەڕێوە دەچێت. کۆنگرەی IBBYگەورەترین و بڕواپێکراوترین کۆنگرەی ئەدەبی منداڵان و مێرمنداڵان لە جیهان دێتە ئەژمار کە خەڵاتەکەی هاوتەریبە لەگەڵ نۆبلی ئەدەبی منداڵان. ناوی یاقووب خرزی، لێکۆڵەر و ڕەخنەگری مەهابادی وەکوو وتاربێژ بە پێشکەشکردنی وتارێک بە کۆدی ٨٤ و خانەی ٢٠ لە ڕیزی بەرنامەکانی ئەم کۆنگرەیەدا دانراوە. خزری وەکوو تەنیا لێکۆڵەر و ڕەخنەگری دەروونناسیی ئەدەبیی و ئەدەبی منداڵانی کورد لەم کۆنگرەیەدا بەشدار دەبێت. وتارەکەی بە شێوازی پێشکەشکردنی وتار لە ژێر ناوی " لێکدانەوەی بەستێن و تەورەگرینگەکانی واتای " منداڵی دەروونناسانە" لە دەقی فۆلکلۆری کوردی ( دەقی فۆلکلۆری منداڵان) دەبێت. جێی ئاماژەیە کە لە تەواوی ئەو وتارانەی کە بۆ ئەم کۆنگرەیە لە سەرانسەری جیهانەوە نێردراون لە لایەن کۆنگرەوە ٤٩ وتار هەڵدەبژێردرێت و پێشکەش دەکرێن. ئەم کۆنگرە هەر دوو ساڵ جارێک لە یەکێک لە وڵاتانی ئەندامی IBBYدا بەڕێوە دەچێت.
