هاوپۆلی بابه‌ت

کتێبی " گۆرانی بۆقەکان" بەرهەمی ئاکۆ محەمەد سابیرە و لە لایەن وەشانگەی ڕێگاوە بڵاو کراوەتەوە. ئەم کتێبە پێکهاتووە لە کۆمەڵێک چیرۆکی سەرنجڕاکێش بۆ منداڵان. 

کتێبی "وارێ مە"، شیعر بۆ زارۆکان، چاپ کرا. ئەم کتێبە بریتییە لە کۆمەڵێک شیعری تایبەت بە منداڵان کە زۆربەیان بە زاراوەی کورمانجی(بادینی) نووسراون.

ڕۆمانی «دار پرته‌قاڵه‌ خشپیلانەکەی من» له‌ ساڵی ١٩٦٨، دوای مەرگی نووسه‌ر، ٤٧ جار له‌ چاپ دراوه و وه‌رگێردراوەتە سه‌ر ١٩ زمانی زیندووی دنیا. "ژۆزە" لەم ڕۆمانەدا بە زمانێکی پاراو و گۆڵمەزاوی و تێکەڵ بە تەوزەوە، پەردە لە سەر ژینی تاڵی منداڵان و بەندیخانەی قوتابخانە لا دەدات و پەروەردەی بێ سوود و دوور لە فەلسەفەیەکی پەروەردەییانە دەخاتە نێو بازنەی ڕەخنە و ئاوەزێکی کارگێڕانە و عەقڵییەتێکی ڕەخنەگەرانەوە. ئەم کتێبە لە ٢٣٠ لاپەڕەدا لە لایەن دکتۆر عەلی ئەشرافییەوە لە زمانی ئینگلیزییەوە وەرگێڕدراوەتە سەر زمانی کوردی و چاپ و بڵاو کراوەتەوە.

کتێبی چیرۆکی" جشکەخڕەی فووتباڵیست" بەرهەمی هەتاو خۆرشیدی شاعیر و نووسەری منداڵان، هەروەها وەرگێڕانی بۆ سەر زمانی ئێنگلیزی لە لایەن سۆما محەمەدپوور و شێوەکاریی زوهرە جەماڵی، لە لایەن وەشانگەی ئێحسان بڵاو کرایەوە. ئەم کتێبە کە بەرهەمی بەشی " کتێبە مەخمەڵییەکانی" وەشانگەی ئێحسانە، لە ئێستادا لەبەر دەستی منداڵاندایە.