پەیامی ڕۆژی جیهانیی کتێبی منداڵ ٢٠٢٥ زمانی وێنەکان نووسەر: ڕیان ویسەر شێوەکار: یانکە ئایپن بورخ وەرگێڕ: ئارش مێهرەبان
پەیامی ڕۆژی جیهانیی کتێبی منداڵ ٢٠٢٥
زمانی وێنەکان
نووسەر: ڕیان ویسەر
شێوەکار: یانکە ئایپن بورخ
وەرگێڕ: ئارش مێهرەبان
دەتوانی بۆ وشەکان وێنە بکێشی، بۆ ئەو قسانەی کە دەیکەم؟
دواتر بەشێک لە وێنەکە
سارد بکێشە
با بکێشە
گرێیەک لە قوڕگدا
یان بێ چانسی بکێشە.
کۆکەیەک بکێشە
ئاخێک
بۆنی نانی تازە
کات
ساتێک
دەسپێک یان کۆتایی نەخشەیەک،
شوێنێک بکێشە
هەر شوێنێک کە بێ
شوێنێک کە نییە
شوێنێک کە بڕیارە
تێیدا ڕووداوێک ڕوو بدات.
ئازاری زەختێک بکێشە
تامی دەریا بکێشە.
شتگەلێکی زۆریش هەیە
کە پێم خۆشە بیبینم
وەکوو ئەوین
ڕەنگە ڕۆژێک
ڕۆژگارێک بێتە بەشی من.
بۆ شێعرەکەم وێنەیەک بکێشە و
تکایە ئاسوودە بە
ئەم وشانە هی تۆن
تەنانەت ئەگەر لە دەمی منەوە
هاتێبتە دەر.
