کتێبی “وەکوو مانگی شەوی چوارده” بەرهەمی هۆشەنگ موڕادی کرمانی بە وەرگێڕانی کوردی ئارش مێهرەبان، نووسەر و وەرگێڕی بواری منداڵ و مێرمنداڵ، ڕەوانەی بازاڕی بڵاوکردنەوە بوو.
بڵاوبوونەوەی کتێبی وەکوو مانگی شەوی چوارە
کتێبی “وەکوو مانگی شەوی چوارده” بەرهەمی هۆشەنگ موڕادی کرمانی بە وەرگێڕانی کوردی ئارش مێهرەبان، نووسەر و وەرگێڕی بواری منداڵ و مێرمنداڵ، ڕەوانەی بازاڕی بڵاوکردنەوە بوو.
بە ڕاپۆرتی هەواڵنێری هەواڵدەری کتێبی ئێران (ئیبنا) لە کوردستان، ئارش مێهرەبان؛ نووسەر و وەرگێڕی لاوی کورد؛ کتێبی «وەکوو مانگی شەوی چواردە» بەرهەمی هۆشەنگ موڕادی کرمانی؛ نووسەری ناسراوی ئەدەبی منداڵ و مێرمندالی بە زمانی کوردی وەرگێڕا. لەم دوایانەدە کتێبی «وەکوو مانگی شەوی چواردە» لە لایەن چاپ و بڵاوکەرەوەی مادیار لە هەزار جڵددا چاپ و بڵاو کرایەوە.
کتێبی «وەکوو مانگی شەوی چواردە» بەسەرهاتی مامۆستای کاریکاتۆریستێکە کە لە وەرزی هاوین لە هۆڵی ڕوشنبیری گەڕەکی کۆنی شارێک ئامادە دەبێ و بەنیازە کە تەکنیکی کاریکاتۆری فێری قوتابییەکان بکات.
چیرۆکی «وەکوو مانگی شەوی چواردە» پەلەپیتکەیێکە بۆ کۆمەڵگای مرۆیی پڕاوپڕ له ناشرینی کردەوەیی ڕواڵەتی و دەروونی و هەوڵ دەدات که لە چوارچێوەی کاریکاتۆر مانای پایەبەرزی مرۆیی ڕابێنێت. کاریکاتۆ وەکوو وێژای ڕاستی و دروستییە، وەکوو ڕاستییەکان تاڵە و ئاوێنەیێکی ڕوونی تەواو نوێنە، کاریکاتۆر هونەری دەڕبڕینی ناشرینییە شاراوەکانە و بە وردبینی و سەرنجی نیگاکەی بە یارمەتی خەت و خاڵ و ڕەنگ، بە جوانی و زەق کردنەوە، پێشنیاری ئەوە دەکات کە هونەرخواز ئامانج و مژارەکانیان لە پیاوان و ژنانی پیری گەرەک هەڵبژێرن.
کتێبی «مانگی شەوی چواردە» بە جەخت کردنەوە لەسەر بابەت گەلێک وەکوو مافی شارۆمەندی، ڕەخنەی کۆمەڵایەتی، ئازادی ڕا دەربڕین و بەرگەگرتنی دژبەر و دوژمن و شڕۆڤەیان بە زمانی منداڵانە، پێگەیێکی تایبەتی لە نێوان چیرۆکەکانی موڕادی کرمانی هەیە. هەروەها بە ئاسانی لە ناوی تەوس ئامێزی کتێبەکە ناتوانین تیپەڕبین. ئەم ناوە لە پەنای وێنەی بەرگێک کە منداڵانی سەرقاڵ بە وێنەکێشانی شتێکی بێ کەم و کورتی «مانگی شەوی چواردە» نیشان دەدات، تەواو دەبێت.
ئارش مێهرەبان، لەدایک بووی ساڵی 1376. کە لە بەشی زمان و ئەدەبی فارسی خوێندوویەتی و سێ کتێب کە بریتین لە دوو کتێبی نووسراوەیی بە ناوگەلی «سمۆرە»، کۆمەڵە شێعر بۆ منداڵان و «ڕۆژێکم بۆ زرێبار»، چیرۆک بۆ منداڵان و وەرگێڕانێکیش بە ناوی «وەکوو مانگی شەوی چواردە»ی بە چاپ گەیاندووه.
