نووسینگەی فستیڤاڵی چیرۆکنووسیی شوناس چوارەمین خولی ئەم فستیڤاڵە لە ئاستی نێونەتەوییدا وەک ڕێزێک بەرامبەر بە ئاوڕدانەوە و خزمەتی ئەحمەدی خانی بە منداڵانی سەردەمی خۆی و بە ئامانجی پەرەپێدان بە فەرهەنگنووسی بۆ منداڵان لە هەموو بوارەکاندا، بە ناوی ئەحمەدی خانییەوە بەڕێوە دەبات.
چوارەمین خولی فستیڤاڵی چیرۆکنووسیی شوناس بە ناوی ئەحمەدی خانی بەڕێوە ئەچێت.
ئەحمەد خانی (۱۷۰۷–۱۶۵۱ی. ز) شاعێر و نووسەر و فەیلەسووفی کورد، هۆنەری یەکێکه لە دیارترین چیرۆکە دڵدارانەکانی زمانی کوردی بە ناوی “مەم و زین”. خانی بە هۆی هۆنینەوەی ئەم شاکارە و کەڵک وەرگرتن لە ناوڕۆکی نەتەوەیی لە شێعرەکانیدا خاوەنی پێگەیەکی ئێجگار تایبەتە لە ئەدەبی کوردیدا.
خانی بە سەر زمانەکانی کوردی، فارسی و عەرەبی‌دا زاڵ بوو و لە ساڵی ۱٦۸۳ی زایینی‌دا فەرهەنگێکی عەرەبی _کوردی بە نێوی «نووبهارا بچووکان»ی نووسی بۆ ئەوەی که یارمەتیدەری ئەو منداڵانە بێت کە دەیانهەوێ فێری زمانی عەرەبی ببن. ئەم فەرهەنگە کۆنترین فەرهەنگی وشەی کوردییە کە بە شێوازی شێعری عەرەبی-کوردی نووسراوە.
لە ڕاستیدا خانی بە نووسینی نووبهارا بچووکان (Nûbihara Biçûkan) لە قاڵبی شێعر و بە زمانی نەتەوەکەی خۆی، توانیویە جگە لەوەی یارمەتییەکی زۆری خوێندکارەکانی خۆی بۆ فێرکردن و خوێندنەوە بدات، توانیویەتی بە کردەوەییش زمانی کوردیی بباتە نێو پرۆسەی فێرکاری و خوێندنەوە و ژیاننەوەیەک ببەخشێ بە زمانی کوردی.
نووسینگەی فستیڤاڵی چیرۆکنووسیی شوناس چوارەمین خولی ئەم فستیڤاڵە لە ئاستی نێونەتەوییدا وەک ڕێزێک بەرامبەر بە ئاوڕدانەوە و خزمەتی ئەحمەدی خانی بە منداڵانی سەردەمی خۆی و بە ئامانجی پەرەپێدان بە فەرهەنگنووسی بۆ منداڵان لە هەموو بوارەکاندا، بە ناوی ئەحمەدی خانییەوە بەڕێوە دەبات.
