هەرکام لە بەرگە A4ـەکان لە ناوەڕاستەوە قەد بکەنەوە. دواتر لە پاڵ یەکیان بنێنەوە تاکوو وەک دەفتەرێکی بچووکی لێ بێ.
دروستکردنی کتێبێکی دەستساز
کەرەستەی پێویست:
٢تا ٣ بەرگ کاغەزی A4 (وا باشترە ڕەنگی یا سپی بێ)
قەڵەمی ڕەنگی، ماژیک یا قەڵەمی شەمعی، مقەست
چەسبی ماتیکی
مەنگەنە یا نەواری چەسبی ڕەنگی
داهێنان و بزە
قۆناغەکانی دروستکردن
۱.قەدکردنەوەی کاغەزەکان
هەرکام لە بەرگە A4ـەکان لە ناوەڕاستەوە قەد بکەنەوە. دواتر لە پاڵ یەکیان بنێنەوە تاکوو وەک دەفتەرێکی بچووکی لێ بێ.
٢. چەسپاندن یا مەنگەنەکردن
لێواری ناوەڕاستی بە مەنگەنە یا چەسبی ڕەنگی فیکس بکەن تاکوو ببێتە کتێبێکی چکۆلە.
٣.نووسینی سەردێڕ
منداڵ دەبێ ناوێک بۆ چیرۆکی خۆی هەڵبژێرێ و لەسەر بەرگەکەی بنووسێ. بۆ وێنە:
«گوڕێخی لە ناو جەنگەڵ» یا «ڕێوی بچکۆلە و هاوڕێ تازەکەی»
٤. نووسین و کێشانەوەی وێنەی چیرۆک
منداڵ دەتوانێ لە هەر لاپەڕەیەی ڕستەیەک بنووسێ (یا بۆی بنووسن) و بۆخۆشی وێنەیەک بۆ ئەو ڕستەیە بکێشێتەوە.
بۆ وێنە:
لاپەڕەی یەکەم: «ڕۆژێک لە ڕۆژان، باڵندەیەکی چکۆلە لە ئاسماندا هەڵدەفڕی...»
لاپەڕەی دووهەم: «دارێکی بەرزی دیت و لەسەری هەڵنیشت...»
٥.جوانکاریی بەرگ
بەرگی کتێبەکە بە بەرچەسب، نەققاشی یا کاغەزی ڕەنگی بڕازێننەوە تاکوو وەک کتێبێکی ڕاستی دەرکەوێت.
ئاکام:
مندال بەم چالاکییە نەک سەرقاڵ دەبێ بەڵکوو ڕاهێنانی چیرۆکنووسی دەکات.
هەستی نووسەری و خاوەنیەتی بەسەر کارە هونەرییەکەیدا تەجروبە دەکات.
هەست بە پێوەندیی نێوان ئەدەبیات و هونەر دەکات.
هاوکارانی ئەم بەشە:
نەسرین ڕووکەش
ئەستێرە چابوک
