دانی دایناسۆر هاوڕێیەکی دەوێت نووسەر: جەبار شافعی‌زادە شێوەکار: ئەڤین مەعرووفی گەڵاڵەی بەرگ: سیپان چاپەمەنی: 49books ساڵی چاپ: ۲۰۲۵ هاوڕێیەتی چییە؟ هاوڕێیەتی چۆن پێکدێت؟ هاوڕێ کێیە؟ بۆ دەبێت هاوڕێیەکمان هەبێت؟ ئایا هەموو کەسێک بۆ هاوڕێیەتی دەشێت؟ ئەم پرسیارانە و زۆر پرساری تر کەڵکەڵەی زەینی و دەروونی زۆرینەی منداڵانی جیهانە. ئەوان هەر لەو سەردەمەدا بەو بڕوایە دەگەن، مرۆڤ ناتوانێت بەبێ بوونی هاوڕێیەکی چاک ژیانێکی ئاسایی بباتە سەر. بۆیە یەکەمجار لەگەڵ بووکەڵە و کەرەستە یارییەکانیان هاوڕێیەتییەکی هێمایین پێکدەهێنن و، دوایی ئەو هاوڕێیەتییە لەگەڵ ئەو مرۆڤانەی خۆشیان دەوێت، ساز دەکەن.
دانی دایناسۆر هاوڕێیەکی دەوێت
نووسەر: جەبار شافعی‌زادە
شێوەکار: ئەڤین مەعرووفی
گەڵاڵەی بەرگ: سیپان
چاپەمەنی: 49books
ساڵی چاپ: ۲۰۲۵
هاوڕێیەتی چییە؟
هاوڕێیەتی چۆن پێکدێت؟
هاوڕێ کێیە؟
بۆ دەبێت هاوڕێیەکمان هەبێت؟
ئایا هەموو کەسێک بۆ هاوڕێیەتی دەشێت؟
ئەم پرسیارانە و زۆر پرساری تر کەڵکەڵەی زەینی و دەروونی زۆرینەی منداڵانی جیهانە. ئەوان هەر لەو سەردەمەدا بەو بڕوایە دەگەن، مرۆڤ ناتوانێت بەبێ بوونی هاوڕێیەکی چاک ژیانێکی ئاسایی بباتە سەر. بۆیە یەکەمجار لەگەڵ بووکەڵە و کەرەستە یارییەکانیان هاوڕێیەتییەکی هێمایین پێکدەهێنن و، دوایی ئەو هاوڕێیەتییە لەگەڵ ئەو مرۆڤانەی خۆشیان دەوێت، ساز دەکەن.
چیرۆکی دانی دایناسۆر هاوڕێیەکی دەوێت، یەک لەو بەرهەمانەیە کە لەو بوارەدا بۆ منداڵان نووسراوە و، چاپەمەنیی 49books لە سویێد، وەکوو چاپەمەنییەکی پێشڕەو لە بواری ئەدەبیی منداڵاندا، لە دووتۆیی ۲۴ لاپەڕەدا بە زمانی کوردی چاپ و بڵاوی دەکاتەوە و، پێشکەشی کتێبخانەی کوردی دەکات.
ئەو کتێبە وێنەییە لە ڕوانگەی P4C واتا فەلسەفە بۆ منداڵانەوە، بە زمانێکی ئەدەبی چیرۆکی هاوڕێیەتی نێوان ئاژەڵەکانمان بۆ دەگێڕێتەوە، تا وێڕای چیژ وەرگرتن فێری هاوڕێیەتی ببین و، ببین بە هاوڕێیەکی هەتاهەتایی بۆ خۆمان و ئەوانی تر.
نووسەر و شێوەکار لەم کتێبەدا بەبێ ئەوەی ڕاستەوخۆ درووشم بدەن و، بیانهەوێت وەکوو پەندێرێک لەگەڵ منداڵان و مێرمنداڵان و تەنانەت گەورەساڵانیشدا مامەڵە بکەن، بە زمانێکی ساکار دڵنیامان دەکەن جیهانی ئەمڕۆ و مرۆڤی ئەم سەردەمە، پتر لە هەموو شتێک پێویستی بە هاوڕێیەتی هەتاهەتاییە و، تەنها هاوڕێیەتیی دەتوانێت لە ژیانێکی پڕ لە تەنگانە و ئاستەنگ ڕزگارمان بکات.
خوێندنی ئەم کتێبە نەک هەر بۆ منداڵان و مێرمنداڵان بەڵکوو بۆ هەموو گەورەساڵێکیش چێژبەخشە و، هیوادارین پێشوازییەکی شیاوی لێ بکرێت.
