لە ئەدەبی کوردیدا، دەستەواژەی پەیڤکاتۆر کە لەلایەن ڕەئووف جیهانییەوە پێشنیار کراوە، توانیویەتی چوارچێوەیەکی چەمکی بۆ هاتنە ناوەوەی ئەم ژانرە بۆ ناو کەشی فەرهەنگیی کوردی بخولقێنێت. هەرچەندە تاکوو ئەمڕۆ پەیڤکاتۆر ئەزموونێکی سەربەخۆی لەنێو ئەدەبی کوردیی منداڵاندا نەبووە و زیاتر بینەر و خوێنەری دەقگەلێکی گەورەساڵانەین، هاوکات دەتوانێت دەرفەتێک بێت بۆ ئەوەی کە پەیڤکاتۆریش بێتە نێو دنیای منداڵانەوە.
پەیڤکاتۆر و هونەری کورتە نوکتە لە ئەدەبی منداڵدا
دەستەی نووسەرانی چراوۆک
نوکتەی کورت لە ئەدەبی منداڵدا، وەک ئاوێنەیەک بۆ نواندنەوەی چەمکی منداڵی دەور دەگێڕێت، لە هەمان کاتدا ڕەنگدانەوەی جیهانی دەوورووبەریەتی لە زەین و تێگەیشتنی منداڵدا. پەیڤکاتۆر، جۆرێکە لە نوکتە کە بە تێکەڵکردنی کورت بێژیی زارەکی، یاریگەلی زمانی، وێنەسازیی دەروونی، دەتوانێت لە چەند ئاستدا کۆمەڵێک توانست و لێهاتوویی بخولقێنێت؛ ئەزموونێک کە هەم سەرقاڵکەر و چێژبەخشە، هەم پەروەردەییە و هەم لێهاتووییە زمانی و مەعریفیەکانی منداڵ بەهێزتر دەکات. لە ئاستی جیهانیدا، نووسەرانێک وەک دکتۆر سوس(Dr. Seuss) بە خولقاندنی کۆمەڵێک ڕستەی پێکەنیناوی، مۆسیقایی و ڕیتمیک، و مۆریس سێنداک(Maurice Sendak) بە دروستکردنی کۆمەڵێک وێنە و ڕستەی کورتی مانادار، پیشانیان داوە کە ئەم نوکتە و ڕستە کورتانە، دەتوانن ئامرازێکی بەهێز بن بۆ چاندنی خەیاڵی منداڵانە و بیرکردنەوەیەکی ڕەخنەییانە لە منداڵاندا. ئەم نووسەرانە بەباشی پیشانیان داوە کە تێکەڵکردنی وشە و وێنە و بەکارهێنانی یاریی زمانی، نەک هەر دەبێتە هۆی دروستبوونی پێکەنین و چێژ لە منداڵاندا، بەڵکوو دەبنە هۆی ئەوەی کە منداڵان بیر لە بەها و ڕەوشت و ئاکارە کۆمەڵایەتییەکانیان بکەنەوە.
لە ئەدەبی کوردیدا، دەستەواژەی پەیڤکاتۆر کە لەلایەن ڕەئووف جیهانییەوە پێشنیار کراوە، توانیویەتی چوارچێوەیەکی چەمکی بۆ هاتنە ناوەوەی ئەم ژانرە بۆ ناو کەشی فەرهەنگیی کوردی بخولقێنێت. هەرچەندە تاکوو ئەمڕۆ پەیڤکاتۆر ئەزموونێکی سەربەخۆی لەنێو ئەدەبی کوردیی منداڵاندا نەبووە و زیاتر بینەر و خوێنەری دەقگەلێکی گەورەساڵانەین، هاوکات دەتوانێت دەرفەتێک بێت بۆ ئەوەی کە پەیڤکاتۆریش بێتە نێو دنیای منداڵانەوە.
تایبەتمەندیی ناوازەی پەیڤکاتۆر لە ئەدەبی منداڵدا، دەبێتە هۆی دروستکردنی "وێنەیەکی دەروونی لە ڕێگەی وشەوە"؛ هەر ڕستەیەکی کورت، جیهانێکی بچووک، چێژبەخش و و وێنەیی دروست دەکات. ئەم ئەزموونە فرە چەشنە، لە لایەکەوە ڕێگە بە منداڵ دەدات لەڕووی زمانەوانییەوە چێژ وەربگرێت و بتوانێت دۆزینەوەی ماناکان ئەزموون بکات؛ لە لایەکی دیکەشەوە، مامۆستا و دایک و باوک دەتوانن چەمکە ئەخلاقی، ژینگەیی یان فەرهەنگییەکان لە ڕێگەی پەیڤکاتۆرەوە بگواستنەوە بۆ منداڵ.
هاوکاری ئەم بەشە:
کیمیا بایزیدی
