زارۆکێ کورمانجی یێ ئیرۆیین هه‌ق دکه کو خوه د نه‌ینکا چیرۆکه‌کێ ده ببینه کو ب زمانێ مالێ، ب زمانێ دایکا وی تێ ڤه‌گۆتن.
وێژه‌یا زارۆکان ئا کورمانجی ل خۆراسانێ هین ژی ب پرسگرێکێن گرینگ ڕه ڕوو ب ڕوو یه: نه‌بوونا پرتووکێن گونجاو ژ بۆ کۆما ته‌مه‌نێ زارۆک، کێمبوونا نڤیسکارێن کو ب زمان و وێژه‌یا زارۆکان شاره‌زا نه، نه‌بوونا وێنه‌یێن پرۆفه‌سیۆنه‌ل ئێن گونجاو ژ بۆ چاندا هه‌رێمی، و نه‌بوونا پشتگریا فه‌رمی. د ڤێ ڕه‌وشێ ده، هه‌وجه‌داریه‌ک له‌زگین ب ته‌ڤگه‌رێن هه‌ڤگرتی و ئارمانجدار هه‌یه: به‌رهه‌ڤکرن و به‌لگه‌کرنا لۆریکان و چیرۆکێن ده‌ڤکی، ژ نوو ڤه نڤیساندنا فۆلکلۆرێ ژ بۆ زارۆکێن ئیرۆیین، ئافراندنا به‌رهه‌مێن نوو یێن کو ژ جیهانا ده‌روونی و زمانی یا زارۆکێ کورمانجی ئیلهام گرتنه، و وه‌شاندنا پرتووکێن ب کالیته‌یا هونه‌ری و زمانی یا گونجاو.
زارۆکێ کورمانجی یێ ئیرۆیین هه‌ق دکه کو خوه د نه‌ینکا چیرۆکه‌کێ ده ببینه کو ب زمانێ مالێ، ب زمانێ دایکا وی تێ ڤه‌گۆتن.
ژ به‌ر ڤێ یه‌کێ، ل خۆراسانێ ژ بۆ زارۆکان به‌رهه‌م هاتنه وه‌شاندن:
پرتووکا پاچه سۆر ئا خانم گۆلی شادکام یه‌ک ژ پرتووکێن پێشین ئه.
مامۆسته ئه‌لیره‌زا سپاهی، ڕزا قارشی، مووسا سه‌ناییفه‌ر، یەحیا ئەلەویفەر، ڕامیار نادری، دوختور ئیسماییل هوسێنپوور و و به‌نووشه ئه‌له‌ویفه‌رد به‌رهه‌مێن ژ بۆ زارۆکان وه‌شاندنه.
