زانیاریی زیاتری پۆست

سڵاو هاوڕێیانی هونەرمەند! ئەوڕۆ دەمانهەوێ قاپێکی وێنەی سێ‌لایی زۆر جوان و تایبەت ساز بکەین کە دەتوانێ وەک دیارییەکی لە ڕادەبەدەری بێ.

فێرکاریی کاردەستیی داهێنەرانە

قاپی وێنەی سێ‌لایی ڕەنگاوڕەنگ

سڵاو هاوڕێیانی هونەرمەند!

ئەوڕۆ دەمانهەوێ قاپێکی وێنەی سێ‌لایی زۆر جوان و تایبەت ساز بکەین کە دەتوانێ وەک دیارییەکی لە ڕادەبەدەری بێ.

ئەم کاردەستییە هەم داهێنەریی تۆ نیشان دەدا و هەم  تەرکیز و سەرنجی تۆ دەباتە سەر. 

کەرەستەی پێویست:

مقەبای سپی یا ڕەنگی (بۆ پایەی قاپ)

کاغەزی ڕەنگی یا کاغەزی کیفت(چەندین ڕەنگ)

مەقەست

پێنووس، هێڵکێش 

وێنە یا نقاشییەکی بچووک بۆ ناو قاپەکە

 

قوناغەکانی سازکردن

١-سازکردنی پایەی قاپ

مقەبایەک بە ڕادەی ٢٠×٢٠ سانتیمتر دەبڕین، ئەوە دەبێتە قاپی سەرەکیمان.

٢-سازکردنی گوڵی سێ‌لایی :

لە کاغەزی ڕەنگی، چەند دانەی چوارگۆشەی

٥×٥ سانتیمتر ببڕە.

چوارگۆشەکە لە ناوەڕاستەوە قەد بکەوە. دووبارە قەدی بکەوە تا چوار دانە سێگۆشەی چکۆلە دروست دەبێ.

سووچەکانی چوارگۆشەکە بە مەقەست خڕ بکە.

پاشان هەرکام لە سێگۆشەکان، لە ناوەڕاستدا، بۆ لای سەرێ خوار بکەوە تاکوو گوڵپەرێکی سێگۆشە دروست بێ.

چەند دانە لەو گوڵانە بە ڕەنگی جۆراوجۆر دروست بکە.

٣-چنینی گوڵەکان لەسەر قاپ

گوڵەکان بە مەودایەکی ڕێکوپێک لەسەر قاپەکە بچەسبێنە.

دەتوانی دەوروبەری قاپەکە بە گوڵ بڕازێنیتەوە یا بە نەخشەیەکی تایبەت دروستی بکەی.

٤-دانانی وێنە یا نەققاشی

ناوەڕاستی قاپەکە بەتاڵ بهێڵەوە و وێنە یا نەققاشیی منداڵیت لەوێ بچەسبێنە. 

دەتوانی دەوروبەری وێنەکەش بە ڕۆبانی ڕەنگی یا جوانکاریی دیکە بڕازێنیەوە. 

٥-وردەکاریی زیاتر

دەتوانی بە قەڵەم یا ماژیک لەسەر گوڵەکان خاڵی بچوک یا هێڵێک بکێشی تاکوو سروشتیتر دیاری بکا.

هەروه‌ها دەتوانی گەڵای بچوک لەسەر کاغەزی سەوز دروست بکەی و لە تەنیشت گوڵەکانی بچەسبێنی. 

ئێستا قاپی وێنەیەکی سێ‌لایی ڕەنگاوڕەنگ و جوانت هەیە کە دەتوانی بە دیوارەوە هەڵی هاوه‌سی یا بە دیاری بیدەی بە هاوڕێکەت.

هاوکارانی ئەم بەشە:

نەسرین ڕووگەش

ئەستێرە چابوک

سارا ڕەسووڵی