سنە - ئارش مێهرەبان، نووسەر و توێژەری ئەدەبی منداڵان، لە چاوپێکەوتنێکدا لەگەڵ پەیامنێری چراوۆک ڕایگەیاند " کارگەی قۆناغی سەرەتایی ناساندنی ئەدەبی منداڵان" و "کارگەی چیرۆک‌نووسیی منداڵان" بە شێوەی سەرهێڵ بەڕێوە دەچێت.
بەڕێوەچوونی کارگەی قۆناغی سەرەتایی ناساندنی ئەدەبیاتی منداڵان و چیرۆک‌نووسیی منداڵان
سنە - ئارش مێهرەبان، نووسەر و توێژەری ئەدەبی منداڵان، لە چاوپێکەوتنێکدا لەگەڵ پەیامنێری چراوۆک ڕایگەیاند " کارگەی قۆناغی سەرەتایی ناساندنی ئەدەبی منداڵان" و "کارگەی چیرۆک‌نووسیی منداڵان" بە شێوەی سەرهێڵ بەڕێوە دەچێت.
بە وتەی مێهرەبان، ئەم دوو کارگەیە لە داهاتوویەکی نزیکدا بەڕێوە دەچێت و لە ١٠ کۆبوونەوەی فێرکاریدا، بنەمای سەرەتایی ئەدەبیاتی منداڵان بۆ بەردەنگە گەورەساڵەکان و تەکنیکەکانی نووسینی داهێنەرانە بۆ منداڵان پێشکەش دەکرێن. هەروەها ئاماژەی بە ئەمەش کرد: «ئامانجی ئه‌م خولانه، بەرزکردنەوەی توانای نووسین و بەرەوپێشبردنی داهێنان له بواری ئەدەبیاتی منداڵاندایە.»
ئەم کارگەیە، دووەمین خول لە زنجیرە کارگەکانی فێرکاریی ئارش مێهرەبان بە ئەژمار دێت کە پێشتر بە پێشوازییەکی بەرفراوانی هۆگرانی ئەدەبیاتی منداڵانەوە بەڕێوە چوو.
مێهرەبان هەروەها جەختی لەوە کردەوە، لە چەند ڕۆژی داهاتوودا وردەکارییەکانی شێواز و مەرجی ناونووسین بۆ ئەو کارگەیە ڕادەگەیەندرێت.
