هاوکات لەگەڵ فێستیڤاڵی کورتە چیرۆکی کوردی لە مەهاباد، زنجیرە بەرنامەیەکی تایبەتی و پەروەردەیی بە گرنگیدان بە ئەدەبی منداڵان و تازەلاوان، لە ١٧ و ١٨ی گوڵانی ١٤٠٤ لەم شارەدا بەڕێوە دەچێت. ئەم پڕۆگرامانە بە ئامانجی بەرەوپێشبردنی فەرهەنگی خوێندن، پەرەپێدانی زانستی ئەدەبی لە نێو نەوەی نوێدا، پاڵپشتیی نووسەران و وێنەکێشانی چالاک لەم بوارەدا، داڕێژراون و بەڕێوە دەچن.
پڕۆگرامە تایبەتەکانی ئەدەبی منداڵان و تازەلاوان هاوکات لەگەڵ فێستیڤاڵی کورتە چیرۆکی کوردی لە مەهاباد بەڕێوە دەچێت.
هاوکات لەگەڵ فێستیڤاڵی کورتە چیرۆکی کوردی لە مەهاباد، زنجیرە بەرنامەیەکی تایبەتی و پەروەردەیی بە گرنگیدان بە ئەدەبی منداڵان و تازەلاوان، لە ١٧ و ١٨ی گوڵانی ١٤٠٤ لەم شارەدا بەڕێوە دەچێت. ئەم پڕۆگرامانە بە ئامانجی بەرەوپێشبردنی فەرهەنگی خوێندن، پەرەپێدانی زانستی ئەدەبی لە نێو نەوەی نوێدا، پاڵپشتیی نووسەران و وێنەکێشانی چالاک لەم بوارەدا، داڕێژراون و بەڕێوە دەچن.
بەگوێرەی ئەو پلانە، لە ماوەی بەڕێوەچوونی فێستیڤاڵەکەدا کە ماوەی دوو ڕۆژ دەخایەنێت، پانێڵێکی تایبەتی لەسەر "ئاستەنگ و ئاسۆی ئەدەبی منداڵان"، خەسارناسیی ئەدەبی منداڵان و خەرساناسیی شێوەکاریی کتێبی کوردیی منداڵان"، کارگەیەکی پەروەردەیی لەسەر "چیرۆکنووسین بۆ منداڵان" و کارگەیەک لەسەر "بنەماکانی شێوەکاریی کتێبی منداڵان" بەڕێوە دەچێت. ئەم بۆنانە بە ئامادەبوونی شارەزایان، نووسەرانی منداڵان، مامۆستایانی زانکۆ و چالاکوانانی بواری منداڵان و تازەلاوان بەڕێوە دەچن.
ئەم زنجیرە پڕۆگرامە لە لایەن ئەنجومەنی فەرهەنگی و ئەدەبیی موکریانی مەهاباد و بە هاوکاری زانکۆی کوردستان، وەک بەشێک لە فێستیڤاڵی کورتە چیرۆکی کوردی لە شاری مەهاباد ئامادە کراوە.
ڕێکخەرانی فێستیڤاڵەکە پێیان وایە کە گرنگیدان بە ئەدەبی منداڵان دەتوانێت ڕێ‌خۆشکەری گەشەی فیکری و داهێنەریی لە نەوەی داهاتوودا بێت. هەروەها کەڵک وەرگرتن لە تواناکانی ئێستای زمانی کوردی لە بواری بەرهەمهێنانی بەرهەمی منداڵاندا، یەکێک لە ئامانجە سەرەکییەکانی ئەم پڕۆگرامانە دێتە ئەژمار.
خوازیاران بۆ بەشداریکردن لەم کارگانە و کۆبوونەوانە تایبەتەکان دەتوانن لە ڕێگەی پۆرتاڵی فەرمیی ئەنجومەنی فەرهەنگی ئەدەبیی موکریانی مەهاباد یان لە ڕێگای کەناڵەکانی فێستیڤاڵەوە، زانیاری زیاتر وەربگرن.
