ئەنجومەنی فەرهەنگی ئەدەبیی مەریوان ڕۆژی سێشەممە، ٢٦ی خاکەلێوەی ١٤٠٤، کۆڕێک بە ناونیشانی "خەسارناسیی ئەدەبی منداڵان لە کوردستاندا" بەرێوە دەبات.
لە مەریوان، رێز دەگیردرێت لە دوو چالاکی فەرهەنگ و ئەدەبی کوردی
ئەنجومەنی فەرهەنگی ئەدەبیی مەریوان ڕۆژی سێشەممە، ٢٦ی خاکەلێوەی ١٤٠٤، کۆڕێک بە ناونیشانی "خەسارناسیی ئەدەبی منداڵان لە کوردستاندا" بەرێوە دەبات. لەم کۆڕەدا کە لە لایەن کومیتەی فەرهەنگیی ئەم ئەنجومەنەوە بەڕێوە دەچێت، ڕێز دەگیردرێت لە تەمەنێک، خەباتی ئەدەبی و فەرهەنگیی دوو مامۆستای فەرهەنگ و ئەدەبی کوردیی کوردستان. لەم کۆڕەدا ڕێز دەگیردرێت لە جەبار شافێعی‌زاده، شاعیر، ڕۆماننووس و پسپۆڕی ئەدەبی منداڵان، بەبۆنەی تەمەنێک خزمەتی بەرچاو بە ئەدەبی کوردیی منداڵان و ئاکۆ جەلیلیان، فەرهەنگنووسی کورد، بەبۆنەی هەوڵە بەنرخەکانی لە بواری فەرهەنگنووسیی کوردی و ئەدەبی کوردیدا.
ئەم کۆڕە کاتژمێر ٤ تا ٦ی ئێوارە لە تەلاری مامۆستا قانێع-ی بنکەی فەرهەنگی-هونەریی ئیدارەی فەرهەنگ و ئیرشادی مەریوان بەڕێوە دەچێت و هاتن بۆ هەمووانە.
