٢١ـی ئادار(١ـی خاکەلێوە) ڕۆژی ڕێزلێنان لەو منداڵانەیە کە بە چاوی پڕ لە خۆشەویستی و دڵپاکییەوە جیهان دەبینن. ڕۆژی جیهانیی نەخۆشی سێندرۆم داون، تەنها دەرفەتێک بۆ بەرزکردنەوەی ئاستی وشیاری نییە، بەڵکوو دەرفەتێکیشە بۆ تێڕامان لە بەهای بێ بەدیلی جیاوازی نێوان مرۆڤەکان.
ڕۆژی جیهانیی نەخۆشی سێندرۆم داون؛ ئاهەنگی جیاوازییەکان، ڕێزگرتنی میهرەبانییەکان
٢١ـی ئادار(١ـی خاکەلێوە) ڕۆژی ڕێزلێنان لەو منداڵانەیە کە بە چاوی پڕ لە خۆشەویستی و دڵپاکییەوە جیهان دەبینن. ڕۆژی جیهانیی نەخۆشی سێندرۆم داون، تەنها دەرفەتێک بۆ بەرزکردنەوەی ئاستی وشیاری نییە، بەڵکوو دەرفەتێکیشە بۆ تێڕامان لە بەهای بێ بەدیلی جیاوازی نێوان مرۆڤەکان.
منداڵانێ کە بە نەخۆشی سێندرۆم داونەوە لەدایک دەبن، وەک هەر منداڵێکی تر، خەیاڵیان هەیە، یاری دەکەن، پێدەکەنن و بە دڵێکی پڕ لە میهرەبانییەوە دەردۆریان لە خۆشەویستی بێ‌درێغیان بەهرەمەند دەکەن. ئەوان ئەوەمان بیر دەخەنەوە کە دڵخۆشی لە ئاڵۆزییەکانی ژیاندا نییە، بەڵکوو لە ساتە سادەکاندا، لە باوەشێکی گەرم و لە نیگایەکی پڕ لە خۆشەویستیدا شاراوەتەوە.
بەڵام ئایا کۆمەڵگا بە ڕادەی پێویست بۆ قەبووڵکردن و پشتیوانی لەم منداڵانە ئامادە و گونجاوە؟ بەداخەوە هێشتا لە زۆر شوێنی جیهاندا، ئەم بەشە لە منداڵان لەگەڵ بەربەست‌گەلێک لە خوێندن، پەژران لەلایەن کۆمەڵگا و دەرفەت و هەلی یەکسانیی کۆمەڵایەتی، ڕووبەڕوو دەبنەوە. ڕۆژی جیهانیی نەخۆشی سێندرۆم داون، ئاگادارکردنەوەیەکە بۆ پێداچوونەوە بە ڕوانگەکانماندا؛ بەو ئامانجەی کە بەجێی دڵ‌پێ‌سووتان، ئەو بەشە لە کۆمەڵگاکەمان بە هەموو توانا و بەهرەکانیانەوە ببینین و بەستێنێک بۆ گەشەکردن و پشکووتنیان دابین بکەین.
لەم ڕۆژەدا، وەرن ئاهەنگ بگێڕین، نەک بۆ جیاوازییەکانمان، بەڵکوو بۆ ئەو جوانیانە کە لە دڵی ئەم جیاوازییانەدا شاراوەتەوە. وەرن با جیهانێک دروست بکەین کە تێیدا، هەموو منداڵێک، بە هەر تایبەتمەندییەکەوە، هەست بە بەها و قەبووڵکردن بکات. میهرەبانی، ئەو زمانەیە کە هەمووان لێی تێ دەگەن؛ وەرن لەو منداڵانەوە فێری ببین.
وەرگێڕ: کیمیا بایەزیدی
دیزاین سارا ڕەسووڵی
