پیشانگای نێودەوڵەتیی کتێبی منداڵی بۆلۆنیا (Bologna Children's Book Fair) بە یەکێک لە گرینگترین ڕووداوە جیهانییەکان لە بواری کتێبی تایبەت بە منداڵان و تازەلاوان دێتە هەژماردن. ئەم پیشانگایە، کە ساڵانە لە شاری بۆلۆنیای ئیتاڵیا بەڕێوە دەچێت، ناوەندێکە بۆ گۆڕینەوەی یاساکانی وەشانی کتێب، ناساندنی نووسەران، وێنەگران و بەرهەمە نوێیەکان و، هەروەها چێکردنی پەیوەندی لەنێوان ئەو پیشانە و دیتر چالاکوانانی بواری کتێبی منداڵ.
وەرگێڕ: ئەمیر تازیک
پیشانگای نێودەوڵەتیی کتێبی منداڵی بۆلۆنیا (Bologna Children's Book Fair) بە یەکێک لە گرینگترین ڕووداوە جیهانییەکان لە بواری کتێبی تایبەت بە منداڵان و تازەلاوان دێتە هەژماردن. ئەم پیشانگایە، کە ساڵانە لە شاری بۆلۆنیای ئیتاڵیا بەڕێوە دەچێت، ناوەندێکە بۆ گۆڕینەوەی یاساکانی وەشانی کتێب، ناساندنی نووسەران، وێنەگران و بەرهەمە نوێیەکان و، هەروەها چێکردنی پەیوەندی لەنێوان ئەو پیشانە و دیتر چالاکوانانی بواری کتێبی منداڵ.
شەست و دووەمین خولی ئەم پیشانگایە لە ۳۱ـی ئازار تا ۳ـی نیسانی ۲۰۲٥ (۱۱ تا ۱٤ خاکەلێوەی ۱٤۰٤) لە ناوەندی پیشانگای "فیرا دی بۆلۆنیا" بەڕێوە دەچێت. لەم خولەدا، وڵاتی ئەستۆنیا وەک میوانی فەخری بانگێشت کراوە. شایانی باسە ساڵی پار، زیاتر لە ۱٥۲۳ وەشانخانە لە ۱۰۰ وڵات و دەڤەری جیاجیاوە لەم پیشانگایەدا بەشدار بوون. لەو خولەدا، بەپێی ئامارەکانی بەردەست، ڕێژەی سەردانیکەرە بازرگانییەکان ۳۱۷۳٥ کەسی تێپەڕاند، کە بە بەراورد لەگەڵ ساڵی پێشووتری، بە ڕێژەی سەدا دە (۱۰%) زیادی کردبوو.
ئەم پیشانگایە لە کۆمەڵێک بەشی جیاواز پێک هاتووە کە هەرکامێکیان ڕوماڵی لایەنێک لە پیشەی وەشانگەریی منداڵ دەکات. بۆ وێنە، بنکەی وەرگێڕەگان، بنکەیەکی تایبەتە بە چالاکوانان و کەسایەتییە گرینگەکانی وەشانخانە جیهانییەکان، پارڤەکردنی ئەزموونەکان و کارگا فێرکارییەکان. هەروەها ئەو وەشانخانانەی دەیانەوێت لەگەڵ وەرگێڕەکاندا گرێبەستی هاوکاری واژۆ بکەن، دەتوانن لە " ڕێنموونیکاری جیهانیی وەرگێڕەکانی کتێبی منداڵ" کە بە هاوکاری یوونێسکۆ دروست کراوە، یارمەتی وەربگرن.
ماڵپەڕی چراوۆک ئەمساڵ ڕووماڵی هەواڵ، ڕاپۆرت و ڕووداوەکانی پیشانگای کتێبی بۆلۆنیا دەکات. ئێوە دەتوانن لە ڕێگەی چراوۆکەوە لە دواهەمین هەواڵەکان، هەڵسەنگاندنەکان و پێشهاتەکانی ئەم پیشانگا گرینگە ئاگادار ببنەوە.
