کتێبی "ئەدەب و هونەری منداڵان" سەرچاوەیەکی زۆر باش و زەنگینە بۆ تێگەیشتن لە هەموو بوارەکانی تایبەت بە منداڵانەوە. لەم کتێبەدا ئاوڕ لە بوارەکانی وەک ئەدەب، هونەر، پەروەردە، دەروونزانی، کۆمەڵناسی، ڕۆشنبیری و مافی منداڵان دراوەتەوە. هێژای باسە لەو بوارانەی ژوورەوە ئەدەب و هونەر پشکی سەرەکیان بەرکەوتووە، هەروەها لەم دوو بوارەشدا، ئەدەب ئاوڕی زیاتری لێ دراوەتەوە. بوارەکانی دیکەش بەپێی سەنگ و قورسایی خۆیان لەسەریان نووسین و وتووێژ کراوە.
کتێبی "ئەدەب و هونەری منداڵان" بۆ جاری دووەم لە چاپ درایەوە
کتێبی "ئەدەب و هونەری منداڵان" لە نووسین و ئامادەکردنی د. هاوژین سڵیوە و ڕۆستەم خامۆش بۆ جاری دووەم چاپ و بڵاو کرایەوە.
کتێبی "ئەدەب و هونەری منداڵان" سەرچاوەیەکی زۆر باش و زەنگینە بۆ تێگەیشتن لە هەموو بوارەکانی تایبەت بە منداڵانەوە. لەم کتێبەدا ئاوڕ لە بوارەکانی وەک ئەدەب، هونەر، پەروەردە، دەروونزانی، کۆمەڵناسی، ڕۆشنبیری و مافی منداڵان دراوەتەوە. هێژای باسە لەو بوارانەی ژوورەوە ئەدەب و هونەر پشکی سەرەکیان بەرکەوتووە، هەروەها لەم دوو بوارەشدا، ئەدەب ئاوڕی زیاتری لێ دراوەتەوە. بوارەکانی دیکەش بەپێی سەنگ و قورسایی خۆیان لەسەریان نووسین و وتووێژ کراوە.
ئەم چاپە نوێیە، لە ٨٤٩ لاپەڕە و سێ بەش پێک هاتووە. بەشی یەکەم ٢٢ تەوەری جۆراجۆر لە بوارە جیاجیاکانی لەخۆ گرتووە. بەشی دووەم پێک هاتووە لە چاوپێکەوتن لەگەڵ ٦٠ کەس لە شاعیران و نووسەران و هونەرمەندان و شارەزایانی بواری ئەدەبی منداڵان. هەروەها لە بەشی سێیەمیشدا چەندین بابەت و بیر و بۆچوون دەربارەی ئەدەبی منداڵان لەگەڵ کۆمەڵێک وتار و پەیڤ و وتەی جوان و بەنرخ سەبارەت بە کتێبی ئەدەب و هونەری منداڵان خراونەتە بەر دیدی خوێنەران. بە شێوەیەکی گشتی لەم کتێبەدا ۱٨٨ بابەت بڵاو کراوەتەوە کە سەرجەم پێکەوە سەرچاوەیەکی پڕچەشنی تایبەت لە بوارە جیاجیاکانی پەیوەست بە منداڵان پێک دەهێنن.
