منداڵەکان! بیر بکەنەوە هانس کریستیان ئاندێرسێن بێت و لێتان بپرسێت:"چیرۆکەکانی منتان خوێندووەتەوە؟ ئایا ئێستاکەش تامەزرۆی بیستنی "پەریی دەریایین"؟ گەلۆ هێشتا لەکاتی خوێندنەوەی "کچە شقارتەفرۆشەکە"دا هەستی هاوسۆزی لەلاتان دروست دەبێت؟
ئەگەر ئاندێرسێن چیرۆکی ئێمە ببیستێت
منداڵەکان! بیر بکەنەوە هانس کریستیان ئاندێرسێن بێت و لێتان بپرسێت:"چیرۆکەکانی منتان خوێندووەتەوە؟ ئایا ئێستاکەش تامەزرۆی بیستنی "پەریی دەریایین"؟ گەلۆ هێشتا لەکاتی خوێندنەوەی "کچە شقارتەفرۆشەکە"دا هەستی هاوسۆزی لەلاتان دروست دەبێت؟"
وەرن پیشانی بدەین ئێستاکەش چیرۆکەکانی لەناوماندا زیندوون، وەرن با دیارییەکی بۆ بێنرین، بەڵام نەک دیارییەکی ئاسایی!
دەتوانن نامەیەکی بۆ بنووسن و پێی بڵێن کامە چیرۆکیتان زیاتر بەدڵە و، ئەگەر خۆی ببینن چی لێ دەپرسن؟
دەتوانن لەگەڵ هاوڕێکانتان شانۆیەک بەڕێوە ببەن، وەک شانۆیەکی بوکەڵەیی لە چیرۆکی " جوجەڵە سۆنەی ناشرین"!
یاخود وێنەیەک لەڕووی چیرۆکەکانیەوە بکێشن. ئەگەر "پەرییە دەریایییە بچووکەکە" لە دەریا نەژیابا، لە چ شوێنێکی دیکە دەکرا بژی؟ لە دارستانێکی ئەفسووناویدا؟
دەتوانن چیرۆکێکی نوێ بۆ کەسایەتییەکانی بنووسن، بۆ نموونە ئەگەر "سەربازە حەڵەبییەکە" زیندوو بمایە، لەگەڵ چ ڕووداوگەلێک ڕووبەڕوو دەبوویەوە؟
یان تەنانەت یەکێک لە چیرۆکەکانی بە دەنگی خۆتان تۆمار بکەن و بە گوێی هەمووانی بگەیەنن!
چاوەڕێی بیرۆکە منداڵانە و جوانەکانتانین
بەرهەمە جوانەکانتان تا 20ـی خاکەلێوە (حەفتەی جیهانیی کتێبی منداڵان) بۆمان بنێرن هەتا پێکەوە ئاهەنگ بگێڕین.
شایانی باسە، بەرهەمە هەڵبژێردراوەکان خەڵات دەکرێن و دواتریش بەشێوەی کۆبەرهەمێک بڵاو دەکرێنەوە.
تامەزرۆم بزانم کامە لە ئێوە جوانترین دیاری بۆ ئاندێرسێن دەنێرێت.
بەرهەمەکانتان بە یەکێک لەم دوو شێوازە بۆمان بنێرن:
ئیمەیل: website.chrawok@gmail.com
ئایدی تلێگرام: ccljournall@