بەهار لە کوێوە دێت؟ لە پشتی کێوە بەفرینەکانەوە؟ لە دڵی ئەو چەمانەی کە سەهۆڵەکانیان تواوەتەوە؟ یا ڕەنگە لەنێوان لق‌‌و‌پۆی وشکی دارێک کە ئێستا سەوز بووەتەوە؟
پەیامی نووسەران و چالاکانی بواری منداڵان، بە بۆنەی هاتنەوەی بەهار و نەورۆزەوە
بەهار لە گیرفانە بچووکەکەتدایە
ئارش مێهرەبان، نووسەر و توێژەری ئەدەبی منداڵان
هەڵەگر: ئەستێرە چابوک
دیزاین: سارا ڕەسووڵی
بەهار لە کوێوە دێت؟ لە پشتی کێوە بەفرینەکانەوە؟ لە دڵی ئەو چەمانەی کە سەهۆڵەکانیان تواوەتەوە؟ یا ڕەنگە لەنێوان لق‌‌و‌پۆی وشکی دارێک کە ئێستا سەوز بووەتەوە؟
نا، بەهار لە تۆوە دێت! لە تۆوە دەست پێ دەکات! لەو چاوانەت کە بەدوای چرۆ تازەکاندا دەگەڕێن، لەو دەستانەت کە بەرامەی چرۆکان دەگرنە ئامێز، لە گیرفانە بچووکەکانت کە پڕن لە تۆوی خەیاڵ و بیرکردنەوە.
بڕوانە! زەوی خەریکە لە خەو هەڵدەستێت. گیا خەواڵووەکان باوێشک دەدەن، دارەکان جلوبەرگە سەوزەکانیان لەبەر دەکەن، باڵندەکان گۆرانیی نوێ دەڵێنەوە. وەک بڵێی دنیا دیسانەوە هەناسە دەدات. تۆش هەناسە بدە، وەکوو ئەو شنەبا بەهارییەی کە لەنێو کۆڵانەکاندا ڕادەکات.
ئێستا چاوەکانت ببەستە و گوێ بگرە. گوێت لە دەنگی بەهارە؟ وا لەنێو پێکەنینەکانتدا، لەنێو ڕاکردنەکانتدا، لەنێو ئەو ئارەزووانەی کە وەکوو چرۆ بەسەر داری دڵتەوە تازە ڕسکاون.
وەرە پێکەوە گیرفانەکانمان پڕ لە بەهار بکەین! چەندانە تۆوی ئومێد، چەندانە چرۆ، چەندانەیەک پێکەنین، دواتر لەنێو زەویی دڵماندا بیانڕوێنین. ئەگەر بەباشی پارێزگارییان لێ بکەین، ڕۆژێک دەبنە دارێکی گەورە، پڕ لە میوەی شیرین، پڕ لە سێبەری فێنک، پر لە بۆن‌وبەرامەی خۆشی ژیان.
بەهار لە ڕێگادایە. گیرفانەکانت پڕ بکە لە سەوزی!
