وا خەریکە نەورۆز دێتەوە؛ زەوی سەرلەنوێ دەبووژێتەوە و کۆڵانەکانیش بە پێکەنینی منداڵان ڕەنگڕێژ دەبنەوە. بەڵام لە دڵی منداڵێکی کتێبخوێندا، لەنێو قەرەباڵغیی سەری ساڵەدا، نیگەرانی و داڵغەگەلێکی بچووکی شیرین پێل لێ دەدەن.
نیگەرانییەکانی خوێنەرێکی بچووک لە نەورۆزدا
وا خەریکە نەورۆز دێتەوە؛ زەوی سەرلەنوێ دەبووژێتەوە و کۆڵانەکانیش بە پێکەنینی منداڵان ڕەنگڕێژ دەبنەوە. بەڵام لە دڵی منداڵێکی کتێبخوێندا، لەنێو قەرەباڵغیی سەری ساڵەدا، نیگەرانی و داڵغەگەلێکی بچووکی شیرین پێل لێ دەدەن.
"گەلۆ لەو ڕۆژانەی خزم و کەسوکار سەر لە یەکدی دەدەن، لەو کاتانەی گەورەکان نوقمی قسە و وتووێژ دەبن، سووچێکی بێ‌قڕە بۆ خوێندنەوەی چەند لاپەڕە لە کتێبە دڵخوازەکەم دەدۆزمەوە؟ تۆ بڵێی لە جەنگەی دیاریگۆڕینەوە و شیرینی‌بەخشینەوەدا، تاکێک بە بیریدا بێت کە کتێبیش دەتوانێت بکرێت بە دیاری؟ ئایا کاتێک هەمووان باسی یارییەکانیان دەکەن، ڕێم پێ دەدرێت ئەمنیش بە پەرۆشەوە باسی پێشهاتەکانی پاڵەوانی نێو ئەو چیرۆکانەی خوێندوومەتەوە، بکەم؟"
نەورۆز بۆ من، واتە دەرفەتی زیاتر بۆ خوێندنەوە، واتە دۆزینەوەی چیرۆکی نوێ لەکن بێنخۆشی بەهاردا. جا کە وایە هیوادارم ئەمساڵ، لەپاڵ هەموو جوانییەکانی ئەم وەرزەدا، خەڵکی تێبگەن، دیارییەکی ئاسایی وەک کتێب، دەتوانێت منداڵەکانیان بۆ گەشتێکی سەرسوڕهێنەر و چێژبەخش ببات. نەورۆز بۆ من واتە کتێب، واتە خەیاڵ، واتە چیرۆک‌گەلێکی بێکۆتایی...
وەرگێڕ: کیمیا بایەزیدی
