لەلایەن IBBYـی کەنەدا و کومیتەی بەڕێوەبەریی کۆنفڕانسی ٢٠٢٦ـەوە، پێخوشحاڵین ئێوە بۆ چلەمین کۆنفڕانسی نێونەتەوەیی IBBY بانگهێشت بکەین. ئەم کۆبوونەوە گرنگە لە ٦ تا ٩ ئاگۆستی ٢٠٢٦ لە شاری ئوتاوا، پایەتەختی کەنەدا، هەڵکەوتوو لە مەڵبەندی ڕادەستنەکراو و داگیرنەکراوی گەلی خۆجێیی ئانیشینابێ ئالگۆنکین، بەڕێوە دەچێت. شایانی باسە، کات و جێبوونەوە بۆ ناونووسیی کۆنفڕانسی ۲۰۲٦ سنووردارە. هەر بۆیە پێشنیار دەکەین بە زووترین کات لە ڕێگەی www.ibbycongress2026.org نێوی خۆتان تۆمار بکەن.
بانگێشتنامەی ناونووسیی چلەمین کۆنفڕانسی نێونەتەوەیی ئەدەبی منداڵی ٢٠٢٦ IBBY
لەلایەن IBBYـی کەنەدا و کومیتەی بەڕێوەبەریی کۆنفڕانسی ٢٠٢٦ـەوە، پێخوشحاڵین ئێوە بۆ چلەمین کۆنفڕانسی نێونەتەوەیی IBBY بانگهێشت بکەین. ئەم کۆبوونەوە گرنگە لە ٦ تا ٩ ئاگۆستی ٢٠٢٦ لە شاری ئوتاوا، پایەتەختی کەنەدا، هەڵکەوتوو لە مەڵبەندی ڕادەستنەکراو و داگیرنەکراوی گەلی خۆجێیی ئانیشینابێ ئالگۆنکین، بەڕێوە دەچێت. شایانی باسە، کات و جێبوونەوە بۆ ناونووسیی کۆنفڕانسی ۲۰۲٦ سنووردارە. هەر بۆیە پێشنیار دەکەین بە زووترین کات لە ڕێگەی www.ibbycongress2026.org نێوی خۆتان تۆمار بکەن.
بابەتی کۆنفڕانس
بابەتی کۆنفڕانسی ٢٠٢٦ بریتییە لە:"گوێگرتن لە دەنگی یەکتر" کە بە زمانی فەڕەنسیÉcouter la voix de l’autre بە زمانی ئالگۆنکین Pizindàdidà Ekidong پێ دەگوترێت. ئەم بابەتە جیا لەوەی لەگەڵ بەها بنەڕەتیەکانی IBBY کە بریتین لە ڕەنگاڵەیی و گشتگیری یەک دەگرێتەوە، لەگەڵ بەرنامە و پڕۆژەکانی IBBYـی کەنەداشدا هاوتەریبە.
بەرنامەکانی کۆنفڕانس
ئەم کۆنفڕانسە، بەرنامەگەلێکی ڕەنگاڵەی وەک ئاخاوتن، جڤین، پیشانگا و وۆرکشۆپ لەخۆ دەگرێت. تەوەرە سەرەکییەکانی بریتین لە:
۱ـ نڤیشکان.
۲ـ ڕەش‌پێست، خەڵکانی خۆجێیی و ڕەنگین‌پێستەکان (BIPOC).
۳ـ کۆچەر، پەنابەر، شارۆمەندی.
٤ـ سڵامەتی دەروون.
٥ـ ڕەگەز | ناسنامەی ڕەگەزی.
٦ـ خۆگرتوویی [Sustainability] و پەرەپێدانی خۆگرتوو.
لەم کۆنفڕانسەدا پیشانگاگەلێکی نێونەتەوەیی بە مەبەستی خستنەڕووی باشترین کتێب‌گەلی منداڵی جیهان، بەرهەمی براوەکانی خەڵاتی هانس کریستین ئەندێرسێن و کتێبە هەڵبژێرراوەکانی پێڕستی شانازی IBBY بەڕێوە دەچێت. هەروەها، ڕاگەیاندن و جەژنی خەڵاتە گرینگە ئەدەبییەکان و پەرەپێدان بە خوێندنەوەی IBBYـیش لە بەرنامەی ئەم کۆنفڕانسەدا گونجێنراوە. جیا لەمانە، بەرنامەگەلێکی گشتی وەک: "لە زەریاوە تا زەریا تا زەریا: جەژنی کتێبە وێنەییە خۆجێییەکان" و " ڕێژە و پیک‌نیکی کتێب" بۆ هۆگرانی ئەدەبی منداڵ لە تەمەنە جیاجیاکاندا بەڕێوە دەچێت.
بانگێشتنامەی ناردنی وتارەکان لە ١ حوزەیرانی ٢٠٢٥ـەوە(۱۱ خرداد ۱٤۰٤) دەست پێ دەکات. بەشداریکەران دەتوانن داواکارییەکانیان بۆ پێشکەشکردنی وتاری زارەکی، ئاخاوتنی بەکۆمەڵ، جڤین یان پۆستێر بنێرن.
بۆ زانیاری زیاتر و ناونووسی سەردانی ماڵپەڕی فەرمیی کۆنفڕانسەکە بکەن.
