دوازدەی فێبریوێری، ڕۆژێکە کەوا هەرا و قیڕەی کپکراوی منداڵە ونبووەکانی ناو ئاگر و دووکەڵی لە جەرگی دایە. ڕۆژێک بۆ ئەوەی بە بیرمان بێتەوە کە پێکەنین و کایەی مناڵان چووبووە ناو زەبری شمشێر و جەرگەی شەڕەوە. ئەو منداڵانەی کەوا بە جێگەی خوێندنەوەی چیرۆکە خۆشەکان ئەبوا چیرۆکی ترس و دڵەڕاوکێ و خوێناوی شەڕەکان لە خۆیانا بنووسنەوە. بەسەربازگرتنیی منداڵان نەک هەر دنیا ڕەنگاوڕەگەکەیان ڕەش و وشک ئەکات، بەڵکوو خەونە خۆشەکانیشیان دەکات بە دێوەزمەیەک کە هەر کۆتایی نەبێت بۆیان. ئەوان لە تامی منداڵی، لە پەروەردە، لە باوەشی دایکیان، لە پێکەنینی بێ‌داڵغە لەگەڵ هاوڕێکانیان، بێبەش دەکرێن. لەبری دنیایەکی هێور و خۆش، دنیای ئەم منداڵانە پڕ لە نەهامەتی و ترسە. هەموو ڕۆژێک ئەوان ئەبێ کارگەلێک بکەن کە هیچ فڕێکی بە دنیای منداڵانەوە نییە. شەڕکردن، کوشتن، دەربەدەری تەنیا بەشێکە ئەوان لەم دنیایە بردوویانە. بەڵام ئەمڕۆ، ڕۆژێکە ئەبێ ئێمە لە یادیاندا بین و ترپەی دڵە بچووکەکانیان ببیستین. ڕۆژێک کە ئەبێ هەموومان پێکەوە نەهێڵین کە چیتر بە جێگەی بووکەڵە، تفەنگ لەناو دەستی منداڵان بێت. ڕۆژێک کە ئەبێ وەستان خەینە بەر دنیای دڵڕەقی شەڕەکان و بۆ داهاتووی گەش هەوڵ بدەین. شوێنێک کە منداڵەکان بتوانن دەستیان بەرەو ئاسمانی هەڵێنن و لە باوەشی خۆشەویستی و دڵنیایی بژین.
حەفتەی جیهانیی دەستە سوورەکان
حەفتەی جیهانیی بەرەنگاربوونەوە لەگەڵ بەسەربازگرتنی منداڵان
یادداشتی چراوۆک
وەرگێڕ: گوڵاڵە زەمانی
دوازدەی فێبریوێری، ڕۆژێکە کەوا هەرا و قیڕەی کپکراوی منداڵە ونبووەکانی ناو ئاگر و دووکەڵی لە جەرگی دایە. ڕۆژێک بۆ ئەوەی بە بیرمان بێتەوە کە پێکەنین و کایەی مناڵان چووبووە ناو زەبری شمشێر و جەرگەی شەڕەوە. ئەو منداڵانەی کەوا بە جێگەی خوێندنەوەی چیرۆکە خۆشەکان ئەبوا چیرۆکی ترس و دڵەڕاوکێ و خوێناوی شەڕەکان لە خۆیانا بنووسنەوە. بەسەربازگرتنیی منداڵان نەک هەر دنیا ڕەنگاوڕەگەکەیان ڕەش و وشک ئەکات، بەڵکوو خەونە خۆشەکانیشیان دەکات بە دێوەزمەیەک کە هەر کۆتایی نەبێت بۆیان. ئەوان لە تامی منداڵی، لە پەروەردە، لە باوەشی دایکیان، لە پێکەنینی بێ‌داڵغە لەگەڵ هاوڕێکانیان، بێبەش دەکرێن. لەبری دنیایەکی هێور و خۆش، دنیای ئەم منداڵانە پڕ لە نەهامەتی و ترسە. هەموو ڕۆژێک ئەوان ئەبێ کارگەلێک بکەن کە هیچ فڕێکی بە دنیای منداڵانەوە نییە. شەڕکردن، کوشتن، دەربەدەری تەنیا بەشێکە ئەوان لەم دنیایە بردوویانە. بەڵام ئەمڕۆ، ڕۆژێکە ئەبێ ئێمە لە یادیاندا بین و ترپەی دڵە بچووکەکانیان ببیستین. ڕۆژێک کە ئەبێ هەموومان پێکەوە نەهێڵین کە چیتر بە جێگەی بووکەڵە، تفەنگ لەناو دەستی منداڵان بێت. ڕۆژێک کە ئەبێ وەستان خەینە بەر دنیای دڵڕەقی شەڕەکان و بۆ داهاتووی گەش هەوڵ بدەین. شوێنێک کە منداڵەکان بتوانن دەستیان بەرەو ئاسمانی هەڵێنن و لە باوەشی خۆشەویستی و دڵنیایی بژین.
لە ڕۆژی جیهانی بەرەنگاربوونەوە لەگەڵ بەسەربازگرتنی منداڵاندا، دەستمان سوور ئەکەین و دەنگی یارمەتی خۆمان بۆ ئەو منداڵانە دەرئەبڕین. دەنگی ئێمە ئەبێ زایەڵەی ئازادی، ئاشتی و خۆشەویستی بێت. دەنگێک پڕ لە ڕووناکی بێت بۆ ئەو منداڵانە کە هێشتا ئاواتە ساکار و بێگەردەکەی منداڵی لە دڵیاندا ئەگڕێ. وەرن هەوڵی دنیایەک بدەین بۆ خەونی ئەو منداڵانە کە چیتر دێوەزمەی شەڕ نەبێت بۆیان.
