ئەمڕۆ، ڕۆژێکی سیحراوییە! ڕۆژێک کە بە دیارییەکی بچووک، دەتوانین دەرگای وڵاتی چیرۆکان بەڕووی کەسێکدا بکەینەوە. ئەمڕۆ ڕۆژی جیهانیی دیاریی کتێبە! کتێبەکان وەک باڵەکانی خەیاڵن. کاتێک دەیانکەینەوە، دەتوانین لەگەڵ پەرییەکان بەناو دارستانە ڕەمزاوییەکاندا بفڕین، لەگەڵ دایناسۆرەکان گەشتمان هەبێت، یان تەنانەت هاوڕێیەتیی ئەژدیهایەکی مێهرەبان بکەین! هەر کتێبێک، جیهانێکی نوێیە کە چاوەڕێی دۆزینەوەیە.
با چیرۆکەکان بفڕێنین!
یادداشتی چراوۆک، بە بۆنەی ڕۆژی جیهانیی دیاریی کتێب
وەرگێڕ: کیمیا بایەزیدی
دیزاین: سارا ڕەسووڵی
سڵاو منداڵە ئازیزەکان و خێزانە خۆشەویستەکان!
ئەمڕۆ، ڕۆژێکی سیحراوییە! ڕۆژێک کە بە دیارییەکی بچووک، دەتوانین دەرگای وڵاتی چیرۆکان بەڕووی کەسێکدا بکەینەوە. ئەمڕۆ ڕۆژی جیهانیی دیاریی کتێبە!
کتێبەکان وەک باڵەکانی خەیاڵن. کاتێک دەیانکەینەوە، دەتوانین لەگەڵ پەرییەکان بەناو دارستانە ڕەمزاوییەکاندا بفڕین، لەگەڵ دایناسۆرەکان گەشتمان هەبێت، یان تەنانەت هاوڕێیەتیی ئەژدیهایەکی مێهرەبان بکەین! هەر کتێبێک، جیهانێکی نوێیە کە چاوەڕێی دۆزینەوەیە.
بەڵام جوانتر لە خوێندنەوەی کتێب، دیاری دانیەتی!. ئەمڕۆ، با کتێبێک بە هاوڕێیەک، خوشک یان برایەکی بچووکتر بدەین. ڕەنگە ئەم کتێبە، هەر ئەو چیرۆکە بێت کە تامەزرۆی بیستنی بووە، ئەو سیحرەیە کە زەردەخەنەیەک دەهێنێتە سەر لێوەکانی!.
لە ماڵپەڕی چراوۆکدا کۆمەڵێک کتێبی جوان و سەرنجڕاکێش هەیە کە دەتوانین بۆ دیاری هەڵی‌بژێرین. با ئەمڕۆ، خۆشیی خوێندنەوە دابەش بکەین و جیهانێک دروست بکەین کە تێیدا، هەموو منداڵێک کتێبێکی هەبێت، هەموو چیرۆکێک بخوێنرێتەوە و هەموو خەیاڵێک، بفڕێت!
ئێوە حەز دەکەن چ چیرۆکێک بفڕێنن؟
