ئەمڕۆ، ١١ی شوبات، ڕۆژی جیهانیی ژنان و کچان لە زانستدایە. ڕۆژێک بۆ ستایش و ڕێزلێنانی ژنانێک کە سنووری زانستیان فراوان کردووەتەوە و ڕێگایان بۆ نەوەکانی داهاتوو، خۆش کردووە. بەڵام ئەم ڕۆژە، تەنیا بیرهێنانەوەیەک لە ڕابردوو نییە؛ بەڵکوو چرایەکە کە داهاتووش ڕووناک دەکاتەوە- داهاتوویەک کە لە دڵی منداڵییەوە دەست پێ دەکات.
ڕۆژی جیهانیی ژنان لە زانستدا؛ داهاتوویەک کە لە منداڵییەوە دەست پێ دەکات
یادداشتی چراوۆک
وەرگێڕ: کیمیا بایەزیدی
هەڵەگر: ئەستێرە چابوک
دیزاین: سارا ڕەسووڵی
ئەمڕۆ، ١١ی شوبات، ڕۆژی جیهانیی ژنان و کچان لە زانستدایە. ڕۆژێک بۆ ستایش و ڕێزلێنانی ژنانێک کە سنووری زانستیان فراوان کردووەتەوە و ڕێگایان بۆ نەوەکانی داهاتوو، خۆش کردووە. بەڵام ئەم ڕۆژە، تەنیا بیرهێنانەوەیەک لە ڕابردوو نییە؛ بەڵکوو چرایەکە کە داهاتووش ڕووناک دەکاتەوە- داهاتوویەک کە لە دڵی منداڵییەوە دەست پێ دەکات. هەر منداڵێک، بەبێ ئەوەی سنوورێک بناسێت، بە نیگایەکی پڕاوپڕ لە کونجکاوییەوە سەیری جیهان دەکات. دەستە بچووکەکانیان، دەست لە زەوی دەدەن؛ چاو لە ئاسمان دەبڕن و مێشکیان، هەزاران پرسیاری بۆچی ساز دەکات. بەڵام ئایا هەموو منداڵان دەرفەتی یەکسانیان بۆ دۆزینەوەی وەڵامی ئەم پرسیارانە هەیە؟ ئایا کچێک کە حەز دەکات ئەستێرەکان بژمێرێت، هەر وەک کوڕێک هان دەدرێت کە حەزی لە جیهانی ژمارەکانە؟ جیهانی زانست، بۆ گەشە و پەرەسەندن، پێویستی بە مێشک‌گه‌لی درەوشاوە هەیە- چ ژن و چ پیاو. ئەم ڕێگایە، لە ساڵانی سەرەتای ژیانەوە دەست پێ دەکات: لەو ماڵانەی کە کچان و کوڕان دەرفەتی یەکسانیان بۆ خەون بینین هەیە. لە پۆلەکانەوە کە تێیدا، مامۆستایان بە کچێک کە حەزی لە تاقیگەیە، زەردەخەنەیەکی دڵنیاکەرەوە لێ دەدەن نەک نیگایەکی گوماناوی. لە کۆمەڵگایەکەوە کە تێیدا، بەهرە بە ڕەگەز ناپێوێندرێت. ئەگەر بمانهەوێت جیهانێک ساز بکەین کە ژنان و پیاوان، پێکەوە زانست بەرەوپێش ببەن؛ پێویستە لەمڕۆوە، لە منداڵییەوە، بناغەی بۆ دابنێین. دەبێت بە هەر کچێک کە ئاواتی دۆزینەوەی لە دڵدا هەیە، بڵێین: " تۆ دەتوانی". با ڕێگە بدەین ئەوە ڕۆژە بێت کە چیتر پێویست بە بیرهێنانەوەی ئەوە نەبێت کە ژنانیش لە زانستدا دەورێکیان هەیە- چونکە ئەم ڕاستییە، لەوە ڕوونتر دەبێتەوە کە پێویستی بە وتن بێت.
