ڕۆژی پێنج‌شەممە ١١ی ڕێبەندانی ١٤٠٣ی هەتاوی، لە نووسینگەی ناوەندی فەرهەنگی - هونەریی جامی بە بەشداری ژمارەیەک له نووسەرانی شاری شنۆ و هەروەها ڕەوانناسان و ڕاوێژکارانی مەهاباد، ناوەندی فەرهەنگی - هونەریی جامی چلەمین دانیشتنی زانستیی خۆی لە ژێر ناوی «بنەماڵه و جیهانی دیجیتاڵ» بە بەشداریی هۆگرانی ئەو بوارە بەڕێوە برد. وتاربێژانی ئەم دانیشتنە زانستییە بریتی بوون لە دکتۆر عەلیڕەزا محەمەدنژاد (ڕەوانناس و توێژەر) و دکتۆر یاقووب خزری (ڕەوانناس و ڕەوان دەرمانگەری منداڵان) و سۆما تووتنچی وەک بەڕێوەبەڕی کۆرەکە، کە لەم دانیشتنەدا پێوەندی نێوان فەزای مەجازی و بنەماڵە لە ژیانی ئەوڕۆیی‌دا، خەسار و لێکەوتەکانیان هێنایە بەر باس و لێکدانەوە.
دانیشتنی زانستیی «بنەماڵه و جیهانی دیجیتاڵ» بەڕێوەچوو.
ڕۆژی پێنج‌شەممە ١١ی ڕێبەندانی ١٤٠٣ی هەتاوی، لە نووسینگەی ناوەندی فەرهەنگی - هونەریی جامی بە بەشداری ژمارەیەک له نووسەرانی شاری شنۆ و هەروەها ڕەوانناسان و ڕاوێژکارانی مەهاباد، ناوەندی فەرهەنگی - هونەریی جامی چلەمین دانیشتنی زانستیی خۆی لە ژێر ناوی «بنەماڵه و جیهانی دیجیتاڵ» بە بەشداریی هۆگرانی ئەو بوارە بەڕێوە برد. وتاربێژانی ئەم دانیشتنە زانستییە بریتی بوون لە دکتۆر عەلیڕەزا محەمەدنژاد (ڕەوانناس و توێژەر) و دکتۆر یاقووب خزری (ڕەوانناس و ڕەوان دەرمانگەری منداڵان) و سۆما تووتنچی وەک بەڕێوەبەڕی کۆرەکە، کە لەم دانیشتنەدا پێوەندی نێوان فەزای مەجازی و بنەماڵە لە ژیانی ئەوڕۆیی‌دا، خەسار و لێکەوتەکانیان هێنایە بەر باس و لێکدانەوە.
لە پاژی یەکەمی کۆڕەکەدا د. عەلیڕەزا محەممەد نژاد وتاری خۆی لە ژێر ناوی " بنەماڵه و جیهانی مەجازی"دا، پێش‌کێش کرد. محەممەدنژاد لەم وتارەدا باسێکی تێروتەسەلی لەسەر ژیان بە گشتی و ژیانی بنەماڵە پێشکەش کرد. پاشان پێوەندی بنەماڵە و جیهانی مەجازی لە دوو ڕەهەندی پۆزەتیڤ و نیگەتیڤ‌دا لێک دایەوە. د.محەممەدنژاد لە درێژەدا باسی لە نیشانەکانی گرفتی بنەماڵە لە پێوەندی لەگەڵ جیهانی مەجازی‌دا کرد و لە کۆتایی‌دا ڕێگا چارە پێویستەکانیشی هێنایە بەر باس و بە وردی لێکی دانەوە.
لە پاژی دووەمی کۆڕەکەدا دکتۆر یاقووب خزری، وتاری خۆی بە تەوەری "جیهانی مەجازی و پرسی منداڵان" پێش‌کێش کرد. خزری لەم وتارەدا سەرەتا چەمکی منداڵی لە پێوەندی لەگەڵ جیهانی مەجازی‌دا شی کردەوە. پاشان باسی لە وردەکارییەکانی جیهانی مەجازی و کاریگەرییەکانی لەسەر منداڵ کرد. خزری لە درێژەدا ئاماژەی بە ژمارەیەک لێکۆڵینەوە کرد، کە ئەم بابەتەیان خستووەتە ژێر تیشکی توێژینەوە. لە کۆتاییش‌دا هێندێک ڕێکاری چارەسەر کردنی ئەم کێشانەی خستنە ڕوو.
