.png)
بە وتەی ئارش مێهرەبان، بەرپرس و سەرنووسەری یەکەمین و تاقە گۆڤاری ڕەخنەیی ئەدەبی کوردی منداڵان، مۆڵەتی بڵاو بوونەوەی وەرگرت. ئەم گۆڤارە یەکەمین گۆڤاری تایبەت بە ڕەخنەی ئەدەبی کوردیی منداڵانە و بە دو زمانی کوردی و فارسی، خانەخوێی ئەو وتار و یادداشتانەیە کە لە چوارچێوەی ڕەخنەی ئەدەبی کوردیی منداڵان دێنە بەرهەم.
ژمارەی سیفری گۆڤاری ڕەخنەیی ئەدەبی کوردی منداڵان لە داهاتوویەکی نزیکدا بڵاو دەبێتەوە. بە وتەی ئارش مێهرەبان، بەرپرس و سەرنووسەری یەکەمین و تاقە گۆڤاری ڕەخنەیی ئەدەبی کوردی منداڵان، ماوەیەکە مۆڵەتی بڵاو بوونەوەی وەرگرتووە. ئەم گۆڤارە یەکەمین گۆڤاری تایبەت بە ڕەخنەی ئەدەبی کوردیی منداڵانە و بە دو زمانی کوردی و فارسی، خانەخوێی ئەو وتار و یادداشتانەیە کە لە چوارچێوەی ڕەخنەی ئەدەبی کوردیی منداڵان دێنە بەرهەم. سەبارەت بە چۆنیەتیی بڵاو بوونەوەی ئەم گۆڤارە مێهرەبان وتی: دوا بە دوای هاتنەوەی مۆڵەتی فەرمیی ئەم گۆڤارە، لە چوارچێوە ڕاگەیاندن و داواکارییەکدا بۆ ناردنی بابەت بۆ گۆڤارەکە، ڕاگەیەندراوێکمان بڵاو کردووە. لە دوای ئەوە لە لایەن نووسەران و ڕەخنەگرانی ئەو بوارەوە کۆمەڵێک وتار و یادداشتمان بۆ هات کە ئەم بابەتانە لە لایەن دەستەی نووسەرانی گۆڤارەوە خوێندنەوەیان بۆ کرا و ئەو بابەتەی کە لە چوارچێوەی گۆڤارەکەدا بوون، هەڵبژێردران کە لە داهاتوویەکی نزیکدا بڵاو دەبنەوە. مێهرەبان لە درێژەی قسەکانیدا وتی: ئەم گۆڤارە بە شێوازی دوو وەرزنامەییە و هەوڵ دەدەرێت بە شێوازێکی شیاو و بەپێی بەرنامە، ژمارەکانی بڵاو بکرێتەوە. ئەو هەروەها وتی: ژمارەی سیفری گۆڤاری ڕەخنەیی ئەدەبی کوردیی منداڵان (دو فصلنامه نقد ادبیات کودک و نوجوان) تایبەت بە بابەتی گشتیی بواری ڕەخنەی ئەدەبی منداڵانە و لە ژمارەکانی داهاتوودا هەوڵ دەدرێت بابەتەکانی پسپۆڕانەتر و زانستیتر بێتەوە. لە کۆتاییدا سەرنووسەری گۆڤار وتی: داوا لە نووسەران و ڕەخنەگرانی ئەدەبی منداڵان دەکەین بابەتەکانیان بە دوو زمانی کوردی ( سەرجەم زارە کوردییەکان) و زمانی فارسی بەپێی شێوەنامەی گۆڤارەکە بنێرن بۆمان بۆ ئەوەی بتوانین لە ڕووی ڕەخنەوە ئەدەبی منداڵانمان بەهێزتر و بەپێزتر بکەین.
