کۆمەڵە چیرۆکی پێپا بەراز لە نووسین و شێوەکاری نێڤێلی ئاستلی و مارک بەیکر، کۆمەڵە چیرۆکێکی بەناوبانگی جیهانییە کە بۆ منداڵانی باخچەی ساوایان و قۆناغی سەرەتایی نووسراون و بێجگە لە کتێب، بە شێوازی کاڕتۆنیش بڵاو بووەتەوە. پێپا بەراز لە ساڵی ٢٠٠٥ و ٢٠١١دا خەڵاتی باشترین زنجیرە ئەنیمەیشنی منداڵانی بەدەست هێناوە. هەروەها لە ساڵی٢٠١٢دا براوەی خەڵاتی گەورەترین بەرهەمیی تەلەفزیۆنی بووە.
"کۆمەڵە چیرۆکی پێپا بەراز"
کۆمەڵە چیرۆکی پێپا بەراز لە نووسین و شێوەکاری نێڤێلی ئاستلی و مارک بەیکر، کۆمەڵە چیرۆکێکی بەناوبانگی جیهانییە کە بۆ منداڵانی باخچەی ساوایان و قۆناغی سەرەتایی نووسراون و بێجگە لە کتێب، بە شێوازی کاڕتۆنیش بڵاو بووەتەوە. پێپا بەراز لە ساڵی ٢٠٠٥ و ٢٠١١دا خەڵاتی باشترین زنجیرە ئەنیمەیشنی منداڵانی بەدەست هێناوە. هەروەها لە ساڵی٢٠١٢دا براوەی خەڵاتی گەورەترین بەرهەمیی تەلەفزیۆنی بووە.
پێپا بەراز بەسەرهاتەکانی کچێکی ژیکەڵانەیە کە لەگەڵ خێزانەکەی دەژی. خێزانی پێپا بریتین لە بابە بەراز (باوکی خێزانەکە کە ئارشیتێکتە)، دایە بەراز (دایکی خێزانەکە کە لە ماڵەوە بە کۆمپیوتەری بنەماڵەییەوە سەرقاڵە و هەندێک جاریش خۆبەخشانە لە بەشی ئاگرکوژێنەوە ئیش دەکات) جۆرج (برا بچکۆلەکەی پێپا کە هەمیشە بووکە شووشەیەکی دایناسۆریی لەگەڵدایە).
لەم کۆمەڵە چیرۆکەدا، پێپا چەن هاوڕێی تایبەتی هەیە کە پێکەوە بەسەرهاتە سەیروسەمەرەکان دەخولقێنن. هاوڕێکانی پێپا بریتین لە: ڕێبێکا کەروێشک، کەندی پشیلە و هەروها سووزی کە مەڕێکی دڵڕفێنە و دەنی کە سەگێکی جوانکیلانەیە.
پێپا بەراز، بێجگە لەوەی منداڵان لەگەڵ ئاژەڵە دەستەمۆ کراوەکان ئاشنا دەکاتەوە، فێری شێوازی ژیانتان دەکات و ڕایان دێنێت کە چۆن دەتوانن هاوڕێیەکی کاریگەریی هەتاهەتاییان هەبێت. پێپا لەڕێگەی ئەو چیرۆکانەوە منداڵان فێر دەکات بە شێوازێکی بوێرانە مامەڵە لەگەڵ ژیاندا بکەن و لەوپەڕی کونجکۆڵییەوە لە تۆم و ماکاکانی جیهان بڕوانن.
ئەو ناوەڕۆکانەی نووسەر و شێوەکاری پێپابەراز جەختیان لەسەر کردوون ئەمانەن:
ـ بایەخدان بە ئەزموونەکانی سەردەمیی منداڵی
ـ پاڵپشتی لە منداڵان بۆ ئەزموون کردنی ژیان
ـ فێرکاریی کارامەیی ژیان و خولقاندنی ژیانێکی شیاو
ـ گواستنەوەی بەهاکان بۆ منداڵان لەلایان باوانەوە
ـ فێربوون لە ڕووداوە چاوڕوان نەکراوکانی ژیان
ـ شێوازەکانی ارەسەرکردنی کێشەکانی ژیان
ـ ڕاهێنانی منداڵان لە ڕێگەی فێرکردنی ئاکاری شیاو
ـ پەروەردەکردنی هەست و بیری و هزری منداڵان
ـ ڕێز گرتن لە سرووشت و مافەکانی ئاژەڵان
ئەو کۆمەڵە چیرۆکە لە ۲۵ بەرگدا لەلایان چەن وەرگێڕی پسپۆڕ لە چاپەمەنیی مانگ بە زمانی کوردی سۆرانی وەرگێڕاون و پێشکەشی منداڵانی کوردستان و بنەماڵەکەیان کراون.
خاتوو لەیلا ساڵحی و جەبار شافعی‌زادە بەڕێوەبەری پرۆژەکەن و ئەو وەرگێڕانەی لەم پڕۆژەیەدا هاوکاری چاپەمەنیی مانگیان کردووە ئەمانەن:
ـ مەسعوود تەهازادە
ـ شەهاب نەدیمی
ـ حوسێن قوربانی
ـ جەواد یارئەحمەدی
ـ ئارەش مێهرەبان
ـ میترا ئەسەدی
ـ پەروانە بەشیری
و
جەبار شافعی‌زادە
بەو هیوایە پێشوازییەکی باشیان لێ بکرێت و ببنە بەشێکی بەنرخ لە کتێبخانەی کورد و هەروەها کتێبخانەی بنەماڵە کوردەکان.
