ئەدەبی منداڵان پێویستە پلانێکی تایبەتی بۆ داڕێژرێ. زەروورەتی هەیە دەقی منداڵانە بخرێتە چوارچێوەی پڕۆژەی لێکۆڵینەوەکانی زانستی و ئاکادێمیایی. حزووری دەقی منداڵانە لەو بەستێنەدا هۆکارە بۆ وەی ئەم دەق‌گەلە ببن بە خاوەنی ناسنامەی تایبەت. هەروەها ئاکامی ئەم پڕۆسەیە ساز بوونی ڕیفرێنسی نوێیە بۆ نووسەران، بۆ وەی نیزامێکی کارای مەعریفی و بەپڕەنسیپ لەو مەوزووعەدا وەدی بێنن.
ئاوزین دەسپێکی نیزامێکی نوێی ڕەخنە لە ئەدەبیاتی منداڵانی کورد.
یاقووب خزری
ئەدەبی منداڵان پێویستە پلانێکی تایبەتی بۆ داڕێژرێ. زەروورەتی هەیە دەقی منداڵانە بخرێتە چوارچێوەی پڕۆژەی لێکۆڵینەوەکانی زانستی و ئاکادێمیایی. حزووری دەقی منداڵانە لەو بەستێنەدا هۆکارە بۆ وەی ئەم دەق‌گەلە ببن بە خاوەنی ناسنامەی تایبەت. هەروەها ئاکامی ئەم پڕۆسەیە ساز بوونی ڕیفرێنسی نوێیە بۆ نووسەران، بۆ وەی نیزامێکی کارای مەعریفی و بەپڕەنسیپ لەو مەوزووعەدا وەدی بێنن.
وەها سیستمێک لە هەموو سامانەکانی ڕەخنە لە ڕەخنەی ڕەوانناسانەوە بگرە تا دەگاتە ڕەخنەی گێڕانەوەناسی و کۆمەڵ‌ناسانە کەلک وەردەگرێ. ڕەخنەیەک کە بەپێی پڕەنسیپەکانی تیۆری و لە ڕووی مێتۆدۆلۆژییەکی کارا ڕێک بخرێ توانایی وەی هەیە بە خوێندنەوەیەکی سەرلەنوێی زەرفییەت و مەوداکانی ئەدەبی منداڵان بەردەوام خۆی تازە بکاتەوە. ئەم مێتۆدە لە ڕەخنەگەلە دەرئەنجامی نوێی لێ دەکەوێتەوە و دەبێتە هۆی خوڵقانی ڕەوتی نوێ لە دەقی منداڵانەدا.
ئەدەبیاتی منداڵانی کورد تا ئێستا لە ڕووی نیزامێکی مەعریفی و ڕوویکەردێکی ڕەخنەکارانەوە شڕۆڤە نەکراوە، تەفسیری ڕەخنەکارانە هۆکاری بیچم گرتنی فۆڕم و ناوەڕۆکی نوێیە لە دەقی منداڵانەدا.
بەشی کوردستان‌ناسیی زانکۆی کوردستان لەو چوارچێوەیەدا و لە قالبی گۆڤاری ئاوزین‌دا یەکەم تایبەت‌نامەی ڕەخنەیی بۆ ئەدەبیاتی منداڵانی کورد ئامادە کردووە کە بڕیارە چاپ و بڵاو بکرێتەوە. وەکوو یەکەم هەنگاوی جیددی بۆ داڕشتنی ژێرخانێکی تیۆریک و ساز بوونی دەزگایەکی ئیپیستمۆلۆژیک بۆ ئەدەبیاتی منداڵانی کورد تایبەت‌نامەی ئاوزین پڕۆژەیەکی گرینگە. بەردەوامیی ئەو پڕۆژەیە لە بنیات نانی نیزامێکی نوێ و ناسنامەداری ئەو ژانرە گەلێک بە نرخە.
پێڕستی وتارەکانی تایبەت‌نامەی ئاوزین:
ئەوپەڕچیرۆک، بیری ڕەخنەکارانە و پێکهاتەی دەروونناسانەی منداڵ/یاقووب خزری.
بازنەی چوار سووچ، کایە لە سێبەری سامناکی سیاسەت‌دا/ وتووێژ لەگەڵ سووڕەیا قزەڵ ئەیاغ؛ وەرگێڕانی سەعید دەیهیم.
فەلسەفەی پەروەردە چییە/ ئەحمەد شەبانی.
گرینگی ڕەخنە لە ئەدەبی منداڵان‌دا/ ڕۆستەم خامووش.
چۆن بۆ منداڵان بنووسین/ ئەمین محەممەد.
بنەماکانی فەرهەنگ‌نووسی و پێگەی فەرهەنگی وشەی منداڵان لە زمانی کوردی‌دا/ ئیدریس ناری زادە.
فۆلکلۆری کوردی و ئەدەبی منداڵانی کورد/ زیاد ڕەشاد قادر.
لە پێناو بەرەو پێش چوونی ئەدەبی منداڵان/ عەلی حەمە ڕەشید بەرزەنجی.
نگاهی بە داستان فولکلور "مەلووچک زەردە" با توجە بە فرم و محتوای آن/ زانا قەزوینە.
گرینگایەتیی نووسین بۆ منداڵان بە شێوازی بڕێڵ/ سۆزی مۆفاق غەفوور.
پەیمانی جنۆکەیی/ کامیل کیان‌پوور و فاتێح سڵێمانی.
لێکدانەوەی چیرۆکی سیندرێلا بە جەخت لەسەر گێڕانەوە کوردییەکان/ ئوسامە بووتیمار
