ڕێژەی خوێندنی کتێب لە ئێران، لە ڕۆژێکدا کەمتر لە یەک دەقەیە. ئەمە لە کاتێکدایە کە خوێندندنەوەی کتێب لەلایەن دایک و باوکەوە، دەبێتە هۆی گەشەی زەینیی و ئەخلاقی منداڵان.
گرینگیی خوێندنەوەی کتێب بۆ منداڵان
ڕێژەی خوێندنی کتێب لە ئێران، لە ڕۆژێکدا کەمتر لە یەک دەقەیە. ئەمە لە کاتێکدایە کە خوێندندنەوەی کتێب لەلایەن دایک و باوکەوە، دەبێتە هۆی گەشەی زەینیی و ئەخلاقی منداڵان. زۆر شیاو و بەجێیە ئەگەر فەرهەنگی کتێب خوێندنەوە لە خۆمان و منداڵانماندا پەرە پێ بدەین و بە زانیارییەکی زیاترەوە لەبارەی جۆری کتێب و شیاوبوونیان لەگەڵ ئاستی تەمەنی منداڵەکەمان بڕیار بدەین.
یەکێک لە گرینگترینی ئەو شتانەی کە دەبێتە هۆی گەشەی توانست و لێهاتووییەکانی منداڵان، خوێندنەوەی کتێبە بۆیان. ڕەنگە بێژن کە تەنیا قازانجێک کە لە خوێندنەوەی کتێب بۆ منداڵاندایە، ئەوەیە کە بۆ ماوەیەکی کاتی بە هێورییەکەوە لەلای دایک و باوکیان کات بەسەر دەبەن منداڵەکە دەچێتە خەو؛ ڕەنگە منداڵەکەیشتان بەردەوام داواتان لێ دەکات کە کتێبی بۆ بخوێننەوە و ئێوەیش ماندووبووبێتن، بەڵام ئەم کارە نەتەنیا بۆ ئیمڕۆ و ئێستای منداڵەکە بەسوودە، بەڵکوو بە شێوازێکی ڕاستەوخۆ لەسەر کەسایەتیی داهاتووی کاریگەریی هەیە.
گەشەپێدانی کەسایەتیی منداڵ
خوێندنەوەی چیرۆک و ڕاس، ڕۆڵێکی زۆر گرینگی لە گەشەپێدانی کەسایەتیی منداڵدا هەیە، لە تەمەنی ژێر ۳ ساڵ بە تایبەت، بۆ فێربوونی زمان و فێربوونی وشەی نوێ، ڕۆڵێکی زۆر گرینگی هەیە. لە تەمەنی سەرتردا، وشەدانی منداڵ بە خێراییەکی زۆرەوە پڕ دەبێت. منداڵ بە هاوکاریی چیرۆک و خوێندنەوەی شیعر، یا گوێگرتن لێی و گێڕانەوەی ئەو شیعرانەی کە بیستوویە، چۆنیەتیی دەربڕینی هەست و سۆزی فێر دەبێت و دەزانێت کە چۆن لەگەڵ کێشە تایبەتەکانی خۆیدا ڕووبەڕوو بێتەوە و باوەڕی بە خۆی هەبێت.
بیرکردنەوە، خەیاڵ و ڕەوشت
چیرۆکەکان و ئەو شیعرانەی کە منداڵان دەیخوێننەوە و دەیبیستن، کاریگەرییەکی قووڵ لە هزر و ڕۆح، خەیاڵ و بیرکردنەوەیاندا دادەنێت و یارمەتیدەریانە لە درووستکردنەوەی پێوەندی و هەڵسوکەوتیان لەگەڵ کەسانی دیکە و دەوروبەریان. هەروەها لە ڕێگای چیرۆک و ڕاسە باشەکانەوە، منداڵ دەتوانێت لەگەڵ چەمگەلێک وەکوو ڕاوەستان لە بەرانبەر زۆر، ڕاستگۆیی، هیوا، جوامێری، لایەنگریی لە حەق و ڕاستی و ئاکامەکانی ئاشنا بێت و هەوڵ دەدات کە دنیای واقێعی لەگەڵ کەسایەتیی ناو چیرۆکەکاندا بەراورد بکات و پیشانیان بدات.
فێرکردنی ڕێزگرتن لە ڕای گشتی
فێرکردنی ڕێزگرتن لە ڕای گشتی، ئاکامی ڕاستەوخۆی خوێندنەوەی کتێبە بۆ منداڵان. ئەو منداڵانەی کە لە قۆناغی پێش سەرەتاییدا گوێیان گرتووە بۆ چیرۆکەکان و لەگەڵ دەنگەکان، وشە و دەستەواژەکان و واتاکانیان بە شێوازی بیستن ئاشنابوون، لە قۆناغی قوتابخانە و ڕووبەڕووبوونەوەیان لەگەڵ جۆری نووسراوەی وشەکان، بە خێراییەکی زۆرترەوە فێری واتاکانیان دەبن.
هەڵبژاردنی کتێب بۆ منداڵان
بە هۆی ئەو هەموو کتێبەی کە ڕۆژانە بڵاو دەکرێنەوە، هەڵبژاردنی کتێب بووەتە کێشەیەکی بنەڕەتی. هەوڵبدەن کتێبێک بۆ منداڵەکانتان هەڵبژێرن کە لە ڕابردوودا خوێندبێتانەوە و ناوەڕۆکیتان بەدڵ بێت، هەست دەکەن کە بۆ منداڵەکەتان سەرنجڕاکێشە و چێژ لە خوێندنەوەی دەبات. ئەم کتێبە هاوکاریی منداڵ دەکات تا هەست بکات کە خاوەنی کۆمەڵێک لێهاتووییە کە تا ئێستا گرینگیی پێنەداوە و لە ژێر سێبەری هەوڵ و تەقالادا دەتوانێت بەدەستیان بێنێت.
