ئەم ڕێوەڕەسمە لە ۵ی بەفرانباری ساڵی ۱۳۹۹ لە ساڵڕۆژی لەدایکبوونی سورەیاقزل ئەیاغ و بە ئامادەبوونی بەشێک لە هۆگرانی فەرهەنگ و هونەر و ئەدەبی منداڵان و مێرمنداڵان بەڕێوە چوو.
بەڕێوەچوونی ڕێوڕەسمی کۆتایی فێستیڤاڵی سەرانسەریی چیرۆکنووسی و چیرۆک‌خوێنیی "شوناس" بەرزڕاگرتنی نەمر سورەیاقزل ئەیاغ لە بەستەری تۆڕی کۆمەڵایەتی.
ڕێوڕەسمی کۆتایی سێهەمین خولی فێستیڤاڵی سەرانسەریی چیرۆکنووسی و چیرۆک‌خوێنیی "شوناس" بە شێوازی سەرهێڵ بەڕێوەچوو.
ئەم ڕێوەڕەسمە لە ۵ی بەفرانباری ساڵی ۱۳۹۹ لە ساڵڕۆژی لەدایکبوونی سورەیاقزل ئەیاغ و بە ئامادەبوونی بەشێک لە هۆگرانی فەرهەنگ و هونەر و ئەدەبی منداڵان و مێرمنداڵان بەڕێوە چوو.
لە سەرەتادا پێشکەشکاری بەرنامە "هیوا مەلکی" وێڕای بەخێرهاتن‌کردنی بەشداربووان، چووە سەر ناساندنی سورەیا قزل ئەیاغ، مامۆستای کتێبدار، ڕاگەیاندن و ئەدەبی منداڵان.
لە درێژەی ڕێوڕەسمەکە جەبار شافیعی‌زادە بەرپرسی فێستیڤاڵ، وێڕای بەرزنرخاندنی ڕۆڵی سورەیا قزل ئەیاغ لە دروستـبوونی ئەدەبی منداڵان و مێرمنداڵانی ئێران و پەروەراندنی نەسڵێک لە نووسەران، شاعیران، وێنەکێشان و ڕەخنەگرانی ئەم بەشە، ڕاپۆرتێکی لە چۆنیەتیی خولقان و بڵاو کردنەوەی ئاگاداریی فێستیڤاڵەکە لە ئاستی وڵات، چۆنیەتیی هەڵبژاردنی بەرهەم و ...پێشکەشکرد. ئەو وێڕای گرتنی ڕەخنە لە نەبوونی بایەخێکی پێویست لەلایەن هەندێک لە بەڕێوەبەرانی فەرهەنگی و هونەری ئاستی وڵات، ڕێزی گرت لەو کەسانەی کە بە شێوازی حکوومی و ناحکوومی پاڵپشتی ئەم فێستیڤاڵە بوون. بەڕێزیان لە کۆتاییدا ئاواتیان خواست کە فێستیڤاڵی شوناس و ئەو فێستیڤاڵە هاوشێوانەی کە لەم جۆرەیە، وێڕای بەردەوام‌بوونیان، ببنە هۆی گەشە و پتەوترکردنی فەرهەنگ لە ئاستی کۆمەڵگادا.
لە دوای ڕاپۆرتی بەرپرسی فێستیڤاڵ، یەکتا بهرووزی یەگانە کچی سورەیا قزل ئەیاغ وێڕای ڕێزگرتن له بەڕێوەبەران و بەشداربووان، چالاکییە فەرهەنگییەکانی وەکوو هێمایەک بۆ گەشەی کۆمەڵگا و خولقاندنی مرۆڤی بیردۆز ناساند و ئاواتی خواست کە ئەم جۆرە فێستیڤاڵانە لە ئاستی وڵات‌دا پەرە بستێنێت و دادپەروەریی کۆمەڵایەتی لە نێوان کۆمەڵگەدا گەشە بکات.
لە دوای یەکتا بهرووزی ۳ کەس منداڵانی هەڵبژاردە، مێرمنداڵ و گەورەساڵ، چیرۆکەکانی خۆیانیان خوێندەوە کە لەلایەن ئامادەبووانەوە پێشوازیی لێکرا.
لە درێژەدا #ئیسماعیل_شافعی‌زادە بە پێشکەش‌کردنی پارچە مۆسیقایەکی کوردی و پێشکەش‌کردنی بە ڕۆحی سورەیا قزل ئەیاغ، کەشی هونەریی فێستیڤاڵەکەی کۆتایی پێ‌هێنا.
لە کۆتاییدا بەیاننامەی لێژنەی هەڵسەنگاندن لەلایەن #شەهرام_ئێقباڵ‌زادە نوێنەر و سەرپەرەشتیاری لێژنەی هەڵسەنگاندن خوێندرایەوە و کۆتایی فێستیڤاڵەکە بە ناساندنی ٦۰ بەرهەمی هەڵبژێردراو و شایەنی ڕێزلێنان، ڕاگەیێندرا.
