لە چیرۆکەوە بۆ سروشت
کاریگەریی کتێبی منداڵان لەسەر زانستی ژینگەیی نەوەی داهاتوو
ئەمڕۆکە پاراستنی سەرچاوە سروشتییەکان بووە بە یەکێک له گرنگترین نیگەرانی و داڵغەکان لە ئاستی جیهاندا. لەم نێوانەدا کتێبەکانی تایبەت بە منداڵان، دەتوانێت کاریگەرییەکی گرنگی لەسەر درووستبوونی تێڕوانینی ژینگەیی لە نەوەی داهاتوودا ب
لە جیهانی ئەمڕۆکەدا کە قەیرانە ژینگەییەکان، سنوورە جوگرافیاییەکانیان تێکشکاندووە و ژیانی مرۆڤیان لە ڕەهەندگەلی جۆراوجۆرەوە خستووەتە ژێر ڕکێفی خۆیانەوە، فێرکاری و ئاگاکردنەوە ڕۆڵێکی پڕ ڕەنگی لەچاو ڕابردوو پەیا کردووە. سەرچاوە سروشتییەکانن بەرەو نەمان دەڕۆن و بوومپێک بە خێراییەوە بەرەو گۆڕانکاری دەڕوات و ڕەوشتە مرۆڤ تەوەرەکان هێشتا لەگەڵ چەرخەی سروشتدا هاوتەریب نەبوون. لە وەها باروودۆخێکدا، فێرکارییە ژینگەییەکان چیدی تەنیا لەنێو چوارچێوەی زانکۆکان و ناوەندە توێژینەوەییەکاندا ناگونجێت؛ بەڵکوو دەبێت لە سەرەتای ەەسپێکی ژیانی هەر مرۆڤێکەوە دەست پێ بکات. لەنێو دڵی بنەماڵە و قوتابخانەوە و گرینگتر لەوە، لە جیهانی خەیاڵی منداڵدا.
ڕۆسۆ، فەیلەسووفی گەورەی جیهان لە بواری پەروەردە و بارهێنان، باوڕی وایه کە پەروەردە و گەشەکردنی منداڵ دەبێت لەسەر بنەمای سروشت‌دۆستی/سروشتخوازی مسۆگەر بێت.
ڕۆسۆ، کتێب وەک سەرچاوە و پردێکی پەیوەندی ناڕاستەوخۆ بە کەم ئەنرخێنێت و سروشت بە گەورەترین مامۆستا و پەروەردەکاری ڕاستەقەینەی مرۆڤ دائەنێت.
لەسەر ئەم بنەما سروشت‌دۆستی بە درێژایی مێژوو لە دوو لقی جیاوازدا سەری هەڵداوە کە ڕاهێنەران و مامۆستا مەزنەکانی پەروەدە و بارهێنان سوودیان لێ وەرگرتوون. ئەدەبی منداڵان، سەرتر له ئامرازێکی کات‌بەسەربردن، ئامرازێکی پەروەردەیی و فەرهەنگییە کە دەتوانێ تێڕوانینی گشتیی نەوەی داهاتوو درووست بکات. لە سەردەمێکدا کە زەوی زیاتر لە هەمووکاتێک پێویستی بە پارێزگاری هەیە، چیرۆکەکان دەتوانن دەنگی دار و ڕووبار و گیانلەبەرەکان بن. نووسەران، بڵاوکەرەوەکان، دایک و باوکان، و هەروەها سیستمی پەروەردەیی هەموویان بەرپرسیارن لە بەرامبەر داهاتوویەكی سەوز و سەقامگیر. ئەگەر بمانەوێت منداڵانی ئەمڕۆ ژینگەپارێزانی دواڕۆژ بن، دەبێ هەر لە ئەمڕۆوە بە زمانێکی شیرین و دڵنشین/دڵگیر بە گوێیاندا بچرپێنین: (زەوی ماڵی ئێوەیه، ئاگاتان لێی بێ.)
وتووێژی ئیبنا لەگەڵ جەبار شافیعی‌زادە
