هاوپۆلی بابه‌ت

پلوورەوارانێ، نامێو ئا بەرهەمیەنە ئەچی ڕوانە چاپ و پەخش کریانەوە و کەوتەن وەروو دەسوو کۆرپە نازارەکاو وەڵاتی.

بەرهەمێکی پەروەردەییە. فەرزانە هیدایەتی‌زادە نووسیویەتی، ئەوین ساسڵی کاری شێوەکارییەکەی کردووە و  بە زمانی کوردی  لە لایەن وەشانگەی ئەوین چاپ و بڵاو کراوەتەوە. 

 ژمارەی ١٦٧ـی گۆڤاری منداڵی سەردەم، کە گۆڤارێکی مانگانەی تایبەت بە منداڵانە، لە نیسانی ٢٠٢٥، بڵاو کرایەوە. ئەم گۆڤارە یەکێک لە ژێرلقەکانی دەزگای چاپ و بڵاوکردنەوەی سەردەمە و هەر دوو مانگ جارێک لە شاری سلێمانی بە سەرنووسەری هەڵکەوت عەبدوڵڵا دەردەکرێت. 

کتێبی چاڕلی و کارگەی شوکولات، بەرهەمی ڕۆڵد داڵ بە وەرگێڕانی گەلاوێژ ئەحمەدزادە و لە لایەن چاپەمەنیی ڕێگاوە بڵاو کرایەوە.

گۆڤاری هەرەوەز، گۆڤارێکی پەروەردەیی، ئەدەبیی منداڵانە کە لەلایەن قوتابخانەی هەرەوەزی بنەڕەتییەوە، بەپێی وەرزەکانی خوێندن بڵاو دەبێتەوە.  بەرپرس و خاوەن مۆڵەتی ئەم گۆڤارە قوتابخانەی هەرەوەزی بنەڕەتییە و ڕەووف محەمەد ئالانی سەرنووسەری ئەم گۆڤارەیە.

کتێبی "ئەدەب و هونەری منداڵان" سەرچاوەیەکی زۆر باش و زەنگینە بۆ تێگەیشتن لە هەموو بوارەکانی تایبەت بە منداڵانەوە. لەم کتێبەدا ئاوڕ لە بوارەکانی وەک ئەدەب، هونەر، پەروەردە، دەروونزانی، کۆمەڵناسی، ڕۆشنبیری و مافی منداڵان دراوەتەوە. هێژای باسە لەو بوارانەی ژوورەوە ئەدەب و هونەر پشکی سەرەکیان بەرکەوتووە، هەروەها لەم دوو بوارەشدا، ئەدەب ئاوڕی زیاتری لێ دراوەتەوە. بوارەکانی دیکەش بەپێی سەنگ و قورسایی خۆیان لەسەریان نووسین و وتووێژ کراوە. 

ژمارە سیانزەهەمی گۆڤاری "کانی" یەکێک لە گۆڤارە تایبەتەکانی منداڵان بە زمانی کوردی، بڵاو کرایەوە. ئەم گۆڤارە کە تایبەتە بە شێعر و چیرۆکی منداڵانە، بەردەوام کەشێکی تایبەتی بۆ داهێنانی منداڵان خولقاندووە. لەم ژمارەیەشدا بەشێک لە بابەتەکانی لە لایەن خودی منداڵانەوە نووسراوە. "کانی" بە بڵاو کردنەوەی چیرۆک و شێعری منداڵانە، هەوڵ دەدات دنیای خەیاڵ و ئەدەبیات بە زمانی کوردی بۆ منداڵان سەرنجڕاکێشتر بکات. هۆگرانی ئەم گۆڤارە دەتوانن ئەم ژمارەیە لە ڕێگای ناوەندەکانی بڵاو کردنەوەیەوە دەست بخەن.

زەرد و سوور و شەمامە کتێبێکی نوێ لە چاپەمەنیی ڕێگایە کە ۲۱۴ دەق لە یارییەکی کۆنی کوردستان بە زمانی کوردی (لوڕی، لەکی، کەڵهوڕی، فەیلی، هەورامی، زازایی، کورمانجی، سۆرانی، گەڕووسی و...) لەخۆ گرتووەتەوە. عەتای وەلەدی بە هەوڵ و تێکۆشانێکی زۆر له‌م کتێبەدا دا ۲۱۴ ده‌ق له‌‌م یارییه‌ کوردییە خستوه‌ته‌ به‌رده‌ست. ‌ئه‌گه‌رچی زۆرینه‌ی ده‌قه‌کان خاڵی هاوبه‌شیان زۆره‌ و، جیاوازی نێوان ئه‌و ده‌قانه‌ له‌ بڕێکیانا، ته‌نها له‌ یه‌ک یان دوو وشه‌دایه‌، به‌ڵام بۆ پاراستنی هه‌موو گێڕانه‌وه‌کان وه‌کوو سروه‌تێکی نیشتمانی و، ڕێز گرتن له‌ هه‌موو ناوچه‌کان، به‌بێ هیچ هه‌ڵسه‌نگاندنه‌وه‌یه‌ک، هه‌موویان هاتوون. بێگومان پێویسته‌ جیا له‌ تۆمارکردنیان، له‌ لایان که‌سانی پسپۆڕه‌وه‌ توێژینه‌وه‌یه‌کی زانستی له‌سه‌ریان بکرێت و، به‌ که‌ڵک وه‌رگرتن له‌ ڕه‌وت و شێوازێکی ئاکادیمیانه‌، پۆلێن به‌ندی بکرێن.      

کتێبی "وارێ مە"، شیعر بۆ زارۆکان، چاپ کرا. ئەم کتێبە بریتییە لە کۆمەڵێک شیعری تایبەت بە منداڵان کە زۆربەیان بە زاراوەی کورمانجی(بادینی) نووسراون.

ڕۆمانی «دار پرته‌قاڵه‌ خشپیلانەکەی من» له‌ ساڵی ١٩٦٨، دوای مەرگی نووسه‌ر، ٤٧ جار له‌ چاپ دراوه و وه‌رگێردراوەتە سه‌ر ١٩ زمانی زیندووی دنیا. "ژۆزە" لەم ڕۆمانەدا بە زمانێکی پاراو و گۆڵمەزاوی و تێکەڵ بە تەوزەوە، پەردە لە سەر ژینی تاڵی منداڵان و بەندیخانەی قوتابخانە لا دەدات و پەروەردەی بێ سوود و دوور لە فەلسەفەیەکی پەروەردەییانە دەخاتە نێو بازنەی ڕەخنە و ئاوەزێکی کارگێڕانە و عەقڵییەتێکی ڕەخنەگەرانەوە. ئەم کتێبە لە ٢٣٠ لاپەڕەدا لە لایەن دکتۆر عەلی ئەشرافییەوە لە زمانی ئینگلیزییەوە وەرگێڕدراوەتە سەر زمانی کوردی و چاپ و بڵاو کراوەتەوە.

کتێبی چیرۆکی" جشکەخڕەی فووتباڵیست" بەرهەمی هەتاو خۆرشیدی شاعیر و نووسەری منداڵان، هەروەها وەرگێڕانی بۆ سەر زمانی ئێنگلیزی لە لایەن سۆما محەمەدپوور و شێوەکاریی زوهرە جەماڵی، لە لایەن وەشانگەی ئێحسان بڵاو کرایەوە. ئەم کتێبە کە بەرهەمی بەشی " کتێبە مەخمەڵییەکانی" وەشانگەی ئێحسانە، لە ئێستادا لەبەر دەستی منداڵاندایە. 

کتێبی ڕێکاری توندڕەوانە، لە سێ بەرگ پێکهاتووە و نووسەر شێوازی دەسەڵات و یاسادانان و یاساپارێزی لە وڵاتانی دیکتاتۆریدا دەخاتە بەر باس و لێکدانەوە. لێرەدا سێ دیکتاتۆری وەک دزەدرێژ، فین‌فینییە پیس و فرفرییە گێڕ، دێن بە شێوازی خۆیان وڵات بەڕێوە دەبەن. لەم وڵاتانەدا هیچ شتێک ئاسایی نییه، هەموو شتێک ئەوەیه کە دەسەڵاتدار بە ژێردەستەکانی دەیڵێت و لە ڕاستیدا لەبری ئەوەی خزمەت بکەن، خەڵک فێری سەرپێچی کردن لە یاسا و ڕێسا دەکەن. خەڵکانی ژێر دەسەڵاتی ئەم کەسانە لە پیس بوون و تێکدەر بوون و شەڕئەنگێزیدا دەبنە ڕکابەری یەکتر.