هاوپۆلی بابه‌ت

ڕۆمانی من کازیوەم سپیدە نیم کە یەکەمین ڕۆمانی دوو زمانەی (کوردی ـ فارسی) مێرمنداڵانە، باس لەو سیستەمە پەروەردە فەرمییەی دەکات کە قووتابییەکان بەشێوازی تاکە زمانی ڕادەهێنێت و بە جەخت کردن لەسەر زمانی فەرمی، ئاوڕێکی ئەوتۆ لە زمانی دایکی ئەوان نادات و دەیخاتە پەراوێزەوە. هەر بۆیە لەبری گەشەی هەمەلایەنە، تووشی ترسێکی بنەڕەتی و دڵەڕاوکێ دەبن و ناهومێدی و خەمۆکی چارەسەرنەکراو تەنگیان لێ هەڵدەچنێت، بەچەشنێک کە سەرەڕای هەوڵی زۆر، لێکەوتەیەکی پەسەندکراویان نەبێت و بەو بڕوا هەڵە و چەواشەیە بگەن کە نەک هەر قوتابییەکی ناکارامە کە مرۆڤێکی دەستەوسانن.

ناوەڕۆکی ئەم کتێبە، چیرۆکی پیشلەیەکە کە کارێکی هەڵە ئەنجام ئەدا، بە جێگەی تەمێکردن و شێوازی نادرووستی پەروەردە کردن، بە شێوازێکی زۆر زانستیانە و زانستی پەروەردەیی، لەلایەن بنەماڵەکەیەوە، وەڵامی ئەدەنەوە ،کتێبێک پڕ لە قسەی خۆش و جوان بۆ منداڵان، تێکەڵێک لە فۆلکلۆری کوردیی زانستی پەروەردە بۆ منداڵان.

پاڵتاوی سوور، چیرۆکی مانوو و پاڵتاوە سوورەکەیە کە دایک و باوکی بۆی کڕیون. ئەو چاوەڕێیە باران ببارێت بەڵکوو بەوپەڕی خۆشحاڵییەوە پاڵتاوەکەی لەبەر بکات. 

هەورە بچکۆلە لە ئاسماندا سەفەر دەکات. ئەو لە درێژەی سەفەرەکەیدا شێوازی خۆی دەگۆڕێت و هەرجارێک بە شێوەیەکی نوێ خۆی دەنوێنێت، هەتا لە کۆتاییدا شتێکی زۆر سەیری بۆ ڕوو دەدات.

لارا خاڵخاڵۆکەیەکی زەردە کە لە هەموو شوێنێکدا بە خاڵە زەردەکانییەوە دەیناسن. ئەو خاڵە زەردەکانی سەر باڵی خۆش ناوێت. بۆیە کارێکی چاوەڕوان نەکراو دەکات. بە هۆی ئەو کارەی ڕووداوی زۆری بەسەردا دێت.

باڵندە بچکۆلانەکە دەیەوێت هێلانەیەکی بێوێنە بۆی خۆی ساز کات. بەڵام هەر کات دەیەوێت هێلانەکەی چی بکات کارەساتێکی بەسەردا دێت و ڕێی پێدەگرێت. لە ئاکامدا....

پێپا بەراز و دایک و باوکی، هیچ شتێک ناخەنە نێو زبڵدانی خانووەکەیانەوە. ئەوان زبڵەکانیان بۆ ئەو شوێنەی دەبەن کە لەوێدا هەموو کەرەستەیەک بەرهەم دەهێننەوە.

پێپا بەراز و هاوپۆلەکانی، لە ڕۆژی وەرزشدا سەرقاڵی کێبەرکێیەکی زۆر خۆشن. هەموویان پێیان خۆشە خۆیان براوەی هەموو یارییەکان بن.

سەوزەڵێ و باوکی پێکەوە چاوەشارکێ دەکەن. لەناکاو سەوزەڵی لە دارستانەکەدا ون دەبیت و ڕێگەی ماڵیان نادۆزێتەوە هەتا بگەڕێتەوە.

پێپا بەراز و هاوپۆلەکانی، بە پاسی قوتابخانەکەیان گەشت دەکەن. ئەوان لە درێژەی گەشتەکەیاندا تووشی زۆر ڕووداوی سەیروسەمەر دەبن.

پێپا بەراز و دایک و باوکی، پێکەوە سەفەر دەکەن. پێپا لە درێژەی سەفەرەکەیاندا چەن بوونەوەری سەیر دەبینێت و پێیخۆشە ببێتە هاوڕێیان. 

پێپا بەراز خاوەنی کتێبخانەیەکی بچکۆلەیە و زۆری حەز لە کتێب خوێندنەوەیە. ئەو پێی وایە دەتوانێت وەڵامی هەموو ئەو پرسیارانەی لە مێشکیدان لە کتێبخانەکەیدا بدۆزێتەوە.